PR Ramos-Horta Kongratula Keir Starmer ba PM foun Reinu Unido

DILI, www.news-viptv.com – Prezidente Repúblika (PR), José Ramos-Horta fo parabens ba Keir Starmer nudar primeiru ministru foun ba Reinu Unidu.

Kongratulasaun xefi estadu ne’e hato’o liu husi video mensajem ne’e haruka iha Tersa(16/7/2024), iha Palasiu Presidensial.

Xefe Estadu hato’o, hodi povu Timor-Leste nia naran, ninia parabéns sinseru liu ba vitória istórika Partidu Traballista nian iha lideransa Keir Starmer nian, destaka katak ida ne’e marka era foun transformasaun nian, nakonu ho esperansa no otimizmu ba Reinu Unidu.

Ramos-Horta hato’o espetativa kolaborasaun pozitivu no konstrutivu ho Governu ne’ebé foin eleitu, ho objetivu atu hakle’an relasaun entre Timor-Leste no Reinu Unidu no hametin parseria foun iha área hotu-hotu, hodi promove kreximentu mútuál no prosperidade.