PR Horta Sei Kondekora Jeneral Indonesia 2 ho Medalla Meritu  

DILI, www.news-viptv.com – Presidenti Republika (PR), Jose Ramos-Horta iha selebrasaun aniversariu Forsa Armada Libertasaun Nasionál (FALINTIL) ba dala-47 iha 20 Agostu 2022 iha Palásiu Governu Dili sei kondekora jeneral hosi Indonesia nain 2 ho medalla meritu.

Iha komuniakdu imprensa ne´ebe redasaun simu, jeneral Indonesia nain 2 ne´ebe sei simu medalla meritu ne´e maka Xefe Estadu-Maiór Jenerál Forsa Armada Indonézia, Jenerál Andika Perkasa, no eis-Ministru no eis-Xefe Servisu Nasionál Intelijénsia Repúblika Indonézia no Veteranu husi Operasaun Seroja, Jenerál Reformadu Abdullah Makhmud Hendroprioyono.

Alende jeneral Indonesia nain 2 ne´e, medalla hanesan sei kondekora mos ba Xefe Estadu-Maiór Jenerál Forsa Armada husi Portugál, Almirante António Manuel Fernandes da Silva Ribeiro, no Xefe Estadu-Maiór Jenerál Forsa Armada husi Commonwealth Austrália, Jenerál Angus Campbell,

Atribuisaun medalla méritu ne’e, bazeia ba Dekretu-Lei Nú. 15/2009, 18 Marsu atu rekoñese no agradese ba sívil no militár, nasionál no internasionál sira ne’ebé fó ona sira-nia kontribuisaun signifikativa ba pás no estabilidade nasionál.