PR Horta ho PM Xanana Foka Prioridade Estratejiku Governu 2025

DILI, www.news-viptv.com – Presidente Republika Jose Ramos-Horta ho Primeiru-Ministru Xanana Gusmao hahu inkontru semanal dahuluk nian ba tinan 2025, Kinta (9/1/2025), iha Palasiu Presidensial Dili.

Iha inkontru ne’e, Xefi Estadu no Xefi Governu foka liu ba prioridade estratejiku governu nian iha tinan 2025.

Iha nia governasaun ba tinan ne’e sei tuun barak iha terenu hodi hare dereta implementasaun programa governu nian ne’ebe implementa kada ministeriu hodi bele hatene katak programa sira ne’e lao ou lae.

Xefi governu ne’e mos informa katak, iha konsellu ministru hato’o ona ba membru governu sira atu halo relatoriu irregularidade ne’ebe halo hodi hatudu kompromisu administrasaun nian ba transparénsia no governasaun di’ak.