Polemika FFTL, Assosiasaun Arbitrazem Futebol Husu KND Labele Interven Internal FFTL

DILI, www.news-viptv.com – Relasiona ho polemika iha federasaun Futebol Timor-Leste (FFTL), Prezidenti Asosiasaun Arbitrajem Federasaun Futeból Timor-Leste (FFTL), Nivio da Costa Fernandes husu ba Komisaun Nasional Desporto atu labele halo interferensia ho kualker forma ba FFTL no nia membru sira.

Assuntu ne’e Nivio koalia Iha konferensia imprensa hamutuk hos membru assosiasaun futebol sira ne’ebe sai membru FFTL, segunda (28/10/2024), iha Edifisiu FFTL, Bairo Grilos, Dili.

Akontesementu ne’ebe akontese iha kongressu annual FFTL nian foin lais ne’e, reprezenta membru assosiasaun sira nafatin apoia Prezidenti interinu FFTL, Jeneral Falur rate Laek hodi lidera FFTL to’o realizasaun kongressu extra ordinariu ne’ebe sei halao iha 11 Janieiru 2025.

Nivio mos sadik ba Prezidente Asosiasaun Futebol Dili-Leste Aleixo Cobra ne’ebe senti sai vitima tamba hasoru agresaun fizika ruma iha Kongresu liubá, bele halo keixa ba parte justisa no ami prontu sai sasin hodi defende Prezidente Interinu FFTL Tenente-Jeneral Sr. Falur Rate Laek iha kualker momentu no iha ne’ebé de’it.