banner 1000x250

Pakote Espesial Vizita Misaun Esploratoriu ASCC iha Timor-Leste

  • Share
banner 728x90

DILI, www.news-viptv.com – Atu avalia prontidaun teknika Timor-Leste nian hodi adere ba Association of Southeast Asian Nations (ASEAN), Misaun Esploratoriu ASEAN Socio-Cultural Community (ASCC) ou Komunidade Pilar Sosial Kultural halo vizita servisu ba Dili, Timor-Leste durante loron 4 hahu 6 to’o 9 Jullu 2022.

Reuniaun loron dahuluk ASCC Misaun Esploratoriu ASEAN. Photo: Media MNEK

“Vizita ASCC Misaun Esploratoriu ASEAN ne’e hanesan oportunidade ida ba ASEAN hodi halo avaliasaun ba pilar ASCC no atu hare Timor-Leste nia prontidaun atu sai membru ASEAN. Misaun ne’e nia objektivu mos atu observa kondisaun real iha terenu kona ba kestaun social no kultural,” dehan Milena Rangel.

banner 336x280

Vizita misaun esploratoriu ASEAN nian ne’e loke ho inkontru ho Ministeriu Negosiu Estranjeiru no Kooperasaun ne’ebe lidera hosi Vise Ministru Negosiu Estranjeiru no Kooperasaun, Juliao da Silva ho presentasaun “Dezemvolve Kooperasaun Dezemvolvimentu iha Sudestiku Asia: Dezafiu no Oportunidades ba Timor-Leste iha adesaun ASEAN.

Alende ne’e mos iha inkontru ho atual Vise Ministra no Ministra Internu Solidariedade Sosial no Inklusaun, Signi Chandrawati Verdial ho nia apresentasaun “Dezemvolvimentu Sosiu-Kultural iha Timor-Leste: Progressu, Dezafiu no Dalan ba Oin.

“Agradese los ho vizita delegasaun ASCC nian ne’e no espera iha 2023 Timor-Leste bele sai ona membru estadu ASEAN,” dehan Signi ba jornalista sira, Kinta (7/7/2022), iha edifisiu MNEK, Pantai Kelapa, Dili.

Delegasaun Timor-Leste ba Komunidade Pilar Sosiu-Kultural ne’ebe partisipa iha inkontru ASCC Misaun Esploratoriu ASEAN. Photo: Media MNEK

Hafoin inkontru, delegasaun misaun esploratoriu fahe kedan ba grupu 4 hodi halo vizita ba ministeriu sira hanesan grupu dahuluk ba Ministeriu Assuntu Parlamentar no Komunikasaun Social (MAPKOMS) hodi hasoru malu ho Ministru Francisco Jeronimo no Sekretariu Estdau Komunikasaun Sosial, Mericio Akara no vizita mos Diresaun Nasional Diseminasaun Informasaun no Diresaun Promosaun no Dezemvolvimentu Media Lokal. Alende mos vizita ba RTTL, EP, GMN TV no Muzeu Resistensia.

Ba Grupu daruak nian vizita Instituisaun Nasional Seguransa Sosial iha MSSI, Sentru Nasional Rehabilitasaun, no Alola Foundation.

Grupu datoluk nian vizita Sekretaria Estadu Juventude no Desportu, Universidade Nasional Timor Lorosa’e (UNTL), no Ginaziu Desportu Dili.

Entertantu Grupu dahat halo vizita ba Ministeriu Saude, Hospital Nasional Guido Valadares (HNGV) no Hospital Antonio Carvalho Lahane.

Ba loron 8 Jullu nian, grupu dahuluk sei vizita Sekretaria Estadu Meiu Ambiente, Diresaun Jeral Florestal – MAP, Autoridade Protesaun Sivil, no Sistema Operasaun Emerjensia.

Grupu daruak; FOKUPERS, Alma Sister – Sentru ba Disabilidade, no Komunidade Jesuita.

Grupu Datoluk; Kolegio St. Inacio Loiola, Timor-Leste International School (TAIS), Xanana Sport Center, UNDP Yout Center, Dili Institute of Technology (DIT).

Grupu Dahat; SEFOPE, CNEFP, INDMO, no SAMES.

Diretora Jeral Assuntu ASEAN MNEK, Milena Rangel (oin klaran) ne’ebe hola prezensa mos iha inkontru ASCC Misaun Esploratoriu ASEAN. Photo: Media MNEK

Delegasaun ne’e lidera hosi official sira nivel altu ba Komunidade Sosiu-Kultural hosi Kambodia nu’udar Prezidenti hosi ASEAN ba tinan 2022, lideransa hosi ASCC hosi lideransa entidades setoriais ASEAN, Adjuntu Sekretariu Jeral ASEAN ba ASCC, Komite Reprezentante Permanente, no Sekretariadu ASEAN.

ASCC nu’udar pilar ida hosi pilar rua Misaun Esploratoriu ASEAN nian ne’ebe sei halao. Komunidade Pilar Ekonomia ASEAN nian (AEC, red) sei vizita mos Timor-Leste iha fim fulan Jullu 2022. Maski Komunidade Pilar Politika Seguransa ASEAN halao ona misaun esploratoriu iha Setembru 2019.

Timor-Leste oras ne’e iha ona misuan diplomatika iha hotu estadu membru ASEAN nian. Aliende ne’e Timor-Leste mos partisipa ativu iha reuniaun Forum Rejional ASEAN (ARF, red) desde tinan 2005.

Aliende ne’e Timor-Leste mos Timor-Leste hola parte iha tratadu kona ba Amizade no Kooperasaun iha parte Sudeste Asiatiku (TAC, red) desde 2007 no durante tinan 2 nia laran partisipa mos ativu iha atividade laos politika ASEAN nian.

  • Share

Leave a Reply

Your email address will not be published. Required fields are marked *

error: Content is protected !!