Os Verdes sei Hasae Salariu Minimu ba US$ 300

LIQUISA, www.news-viptv.com – Partido Os Verdes de Timor promete sei hasai salariu minimu ba US$ 300 wainhira ukun iha governu.

Promesa ne´e partidu ne´e hato´o hosi Lela Hunu Cruz nu´udar prezidenti partidu iha komisiu politiku iha Kampu Futebol Liquisa.

Prezidenti partidu ne´e mos deklara katak wainhira ukun, nia partidu mos sei luta hodi halakon pensaun vitalisia no promete katak nia lideraansa sira tantu iha parlamentu nasional no governu sei la simu pensaun vitalisia maski lei refere seidauk halakon.

Quinto Sekretariu Nasional Partidu os Verdes de Timor ba asuntu Agrikultura no Peskas Sabino Mendes de Jesus husu ba eleitor sira atu fo fiar ba partidu ne´e hodi dignifika agrikultor no peskador nia produtu.

Ridwan dos Santos nu´udar Prezidenti Partidu Os Verdes de Timor Munisipiu Liquisa garantia katak partidu ho numeru 6 ne´e sei hetan votos rihun 7 iha munisipiu Liquisa.