Os Verdes Hakarak Aseleira Asembleia Munisipiu

DILI, www.news-viptv.com – Prezidenti Partidu Os Verdes de Timor, Lela Hunu Cruz promesa ba povu Timor-Leste sei aselera lais Asembleia Munisipiu nian atu nune´e bele rezolve lais problema munisipiu nian.

Lela Hunu Cruz deklara promesa ne´e wainhira halo dialogu ho eleitor Munisipiu Ermera iha sira nia komisiu politiku, Tersa (25/4/2023) iha Salaun Parokia Ermera.

Iha fatin hanesan, kandidatu deputadu Os Verdes Gabriel Martins ne´ebe reprezenta komunidade defisiente husu ba Ermera oan sira atu vota os verdes tamba sei tau matan mos ba ema defisiente iha Munisipiu Ermera.

Antes ne´e, iha Segunda (24/4/2023) iha Kampu Futebol Taibessi, Dili Lela Hunu Cruz alerta ba partidu politiku boot rua FRETILIN no CNRT atu konta mos ho nia partidu tamba fiar katak Os Verdes de Timor sei sai partidu ne´ebe determina mos ba kriasaun governu tuir mai.

Tamba ne´e, tantu FRETILIN ho nia plataforma no CNRT, Os Verdes prontu atu hamutuk iha governu ho kriteria.