ONG no Solidariedade Internasional Apela Hapara Agresaun iha Funu Israel-Hamas

DILI, www.news-viptv.com – Relasiona ho funu Israel ho Hamas ne’ebe akontese desde 7 Outubru ho lansamentu roket hodi rezulta ema mate rihun resin no evita funu sa’e ba konflitu internasional, Organizasoens Naun Govermentais (ONG) no solidariedade internasional apela hodi hapara agresaun iha funu Israel ho Hamas.

Komunikadu imprensa hosi Heavenly Culture, World Peace, Restoration Lights (HWPL) ne’ebe redasaun simu hateten, governasaun balun no organizasaun internasional iha nia deklarasaun official apela ona hapara konfilitu.

“Iha 12 Outubru, HWPL, ONG internasional ne’ebe afilia ho Konsellu Ekonomia no Sosial ONU no Governu Metropolitania Seoul ho nia sede sentral iha Koreia Sul hasai ona komunikadu imprensa relasiona funu Israel ho Hamas,” hakerek komunikadu HWPL.

HWPL afirma ameasa ho violensia sei la hakotu esperansa ba Liberdade no dame nian ne’ebe komunidade global tane as.

“Esperansa ne’e maka sai hakarak forte ba iha mundu tomak no ema hotu sei promove solidaridade ne’ebe forte iha dame nian hodi alkansa restorasaun ida deit. HWPL kondena violasaun no funu ne’ebe estraga dame mundia nian,”

Komunikadu imprensa ini ba datoluk HWPL nia deklarasaun official ne’ebe fo advokasia ba dame, hafoin deklarasaun kona ba krizi diretus humanus iha Myanmar iha Marsu 2017 no Funu Israek-Ukraina iha Fevereriu 2022.

“Ema sivil inosente sira maka sai fali vitima funu nian, no ema hotu iha mundu assiste situasaun ne’e iha tempu real. Failla hapara funu ne’ebe ema lakohi no laloos hodi rezulta vitima rihun ba rihun hosi ema sivil. Se maka bele fo kompensasaun ba hahalok brutalidade ho destroi ne’e,” hateten deklarasaun ne’e.

HWPL ejiji ba parte rua ne’ebe konflitu atu hapara agresaun, proteje sidadaun sira, no ativamente involve iha restorasaun no dame.

“Husu ba ONU ho komunidade internasional hodi foti asaun ne’ebe persiza mediasaun dame entre parte rua ba dalan dialogu no fo apoia humitaria,” afirma deklarasaun ne’e.

Iha 14 Marsu 2016, HWPL ho expertu direito internasional hosi nasaun 15, hakerek no anunsia “Deklarasaun dame no hapara funu (DPCW) nu’udar lei internasional ba dame nian. Deklarsaun ne’e propoin koperasaun internasional, partisipasaun sidadaun no promosaun kultura ba prevensaun konflitu, mediasaun ho dame. DPCW ne’e, HWPL planea ona entrega ba ONU.

Liu hosi eventu dame nian iha nasaun liu 170, HWPL susesu halo planu asaun hodi konstrui mundu ne’ebe dame no halo aproximasaun ho instituisaun komunidade internasional no hasa’e konsiensia dame nian iha komunidade.