Nelyo Isaac Asumi Kargu Prezidenti CMJD-CPLP 2025-2027

DILI, www.news-viptv.com – Ministru Juventude, Desportu, Arte no Kultura, Nelyo Isaac Sarmento asumi kargu nuudar prezidenti Konferensia Ministru Juventude no Desportu CPLP hodi troka Ministru Juventude no Desporto Angola, Rui Falcao ne’ebe asumi ona durante tinan 2.

Dezisaun ne’e fo sai iha Konferensia Ministru Juventude no Desportu CPLP ba dala XVI ne’ebe realiza iha Dili, Domingu (27/7/2025).

Nelyo Isaac sei asumi kargu ne’e to’o tinan 2027 hodi prepara XIII Jogos Desportivos CPLP.

Iha konferensia ne’e, membru sira sei fo tempu ba Brazil hodi reafirma nia pozisaun nu’udar uma nain ba XIII Jogos Desportivos ba tinan 2027.

Konferensia ne’e mos fo apresiasaun ba Timor-Leste nu’udar uma nain ba XII Jogos Desportivos ne’ebe realiza ho susesu no diferente kompara ho eventos ne’ebe lao ona desde tinan 1996.

Konferensia ne’e sai extra-ordinariu tamba hetan prezensa to remata husi Primeiru-Ministru Kay Rala Xanana Gusmão.