Musulmanu iha Timor-Leste Selebra Idul Fitri

DILI, www.news-viptv.com – Musulmanu sira iha mundu tomak, inklui Timor-leste, ohin Segunda (31/3/2025) selebra loron idul fitri ne’ebe monu iha lorom 1 Syawal 1446 Hijria tuir kalendariu islam nian.

Selebrasaun loron idul fitri konsentra iha Mesquita An-Nur Kampung Alor ho sholat ied hamutuk laos deit ba musulmanu Timoaoan sira maibe hola prezensa mos musulmanu sira ne’ebe mai husi rai liur ne’ebe hela no servisu iha Timor-Leste.

Iha Embaixada Republika Indonesia, komunidade musulmanu ASEAN sira selebra hamutuk ho han hamutuk ne’ebe hetan prezensa mos husi Prezidenti Republika Jose Ramos-Horta.

Xefi estadu iha selebrasaun loron idul fitri husu ba sidadaun hotu atu moris nafatin ho domin na dame nia laran.

Entertantu, Embaixador Indonesia ba Timor-Leste, Okto Dorinus Manik hato’o apresiasaun ba Governu Timor-Leste ba toleransia relijiaun nian ne’ebe implementa iha Timor-Leste.

Wati Sasmita no Mahmud, nu’udar sidadaun Indonsiaa senti kontenti bele selebra loron idul fitri hamutuk ho komunidade ASEAN no Timor-Leste iha Dili.