MSSI Lansa Aplikasaun Mobile App INSS

DILI, www.news-viptv.com  – Ministeriu Solidariedade Sosial Inkluzivu (MSSI) lansa ona aplikasaun mobile app ba Instituisaun Nasional Seguransa Sosial (INSS) nian, Tersa (08/04/2025) iha Salaun Multiuso Dili.

Lansamentu aplikasaun ne’e lansa husi Primeiru-Ministru (PM) Kay Rala Xanana Gusmão no Ministra Solidariedade Sosial no Inkluzaun (MSSI)  Veronika Das Dores akompana Prezidenti INSS, Arlindo Pinto.

Iha nia deskursu PM Xanana Gusmão hatete katak, lansamentu ne’e parte ida prestasaun ba servisu governu nian hodi hakbesik an liu ba ema ida-idak traballador sira Institutu publiku no servisu privadu sira bele garantia, sira nia futuru hetan aprezentasaun no sai servisu dik liutan.

“Ha’u husu ba ita-boot sira nebe’e halo lansamentu sei aprezenta mai buat ne’ebe ha’u la hatene atu koalia, obrigado babita boot sira hotu bele mai iha ne’e ho ita-boot sira nia prezensa fo konfiansa boot ba traballador sira iha Insititutu publiku no setor privadu,” dehan PM Xanana.

Ministra Solidariedade Social e Inclusão (MSSI), Verônica da Dores hateten, kriasaun aplikasaun mobile app ne’e atu hadia prestasau servisu no atendimentu segurança social ba sira ne’ebe kontribui ona,

“Tinan 2025 ita kontinua produs kartaun segurança social ba trabalhadores hotu-hotu,” nia hateten.

Ministra mós informa, liuhusi kartaun mobile APP sei tulun trabalhadores Sira hotu-hotu hodi bele hatene kona-ba sira nia benifisiu ne’ebe kontribui ona.

Prezidente (INSS),  Arlindo Pinto esplika INSS konsege lansa kartaun seguransa sosiál nian ba sidadaun hotu-hotu ne’ebé durante ne’e kontribui seguransa sosiál, liuhusi taxa kontribuisaun ne’ebé traballadór no empregadór.

“Ita konsege muda mekanizmu sistema pagamentu liu-liu ba ita-nia ferik-katuas, ne’ebé agora besik liu no halo pagamentu iha nível suku sira, ne’ebé simu fulan tolu-tolu. Aplikasaun ne’e hafasil traballadór hotu-hotu ne’ebé durante ne’e ladún hatene nia prosesu kontribuisaun,” dehan Arlindo Pinto.