banner 1000x250

Monumento Liberdade, Memoria Istoria entre Timor-Leste ho Indonesia

  • Share
Monumento Liberdade ne'ebe harii iha Balibo, Munisipiu Bobonaro. Foto: VIP TV / Lucitania Barreto
banner 728x90

BALIBO, www.news-viptv.com  – Estadu Timor-Leste liu hosi Festival Fronteira 2023 offisialmente inagura monumentu ida iha Balibo, Munisipiu Bobonaro ne’ebe hanaran Monumento Liberdade.

Inaugurasaun Monumentu Liberdade ne’e inaugura hosi Diretor Executivo CNC, Hugo Fernandes no hetan partisipasaun hosi Sekretariu Estadu Arte no Kultura, Jose Cristovão, Administrador Belu, Agustinho Taolin no delegasaun kultura hosi Atambua, Malaka, Kefa no Kupaun ne’ebe simu ho matak malirin nu’udar bemvindo ba delegasaun sira ne’ebe sei partisipa iha Interkambui Kultura hodi Promove Rekonsialiasaun.

Sekretariu Estadu Arte no Kultura, Jose Cristovão no Administrador Belo, Agustino Taolin no partisipante Festival Fronteira 2023 foto hamutuk iha inagurasaun Monumentu Liberdade iha Balibo. Foto: VIP TV / Lucitania Barreto

Iha nia deskursu, Diretor Executivo CNC, Hugo Fernandes esplika katak Monumentu Liberdade ne’e harii ho objetivu nudar memoria ba istoria Timor-Leste no Indonesia  ne’ebe iha tempu pasadu nakonu ho konflitu no odiu malu.

“Timor Leste no Indonezia uluk nakonu ho konflitu no odiu malu, maibe husik buat pasado sai hanesan memoria no hanoin filafali Timor Leste no Indonezia la dok no ema ida deit maske nakonu ho istoria Timor nian iha tinan 1974 to 1999,” dehan Hugo, Kuarta (15/11/2023).

Nia esplika, Balibo sai duni fatin ba istoria moruk pasadu Timor-Leste nian, ne’ebe akontese dahuluk iha 29 Novembru 1975 wainhira Partidu Politiku haat, UDT, APODETI, KOTA no TRABALISTA asina no deklara integrasaun Timor-Leste ba iha Bali no publika fila-fali husi radiu iha Balibo 30 novembru 1975.

Monumentu Liberdade iha Balibo. Foto: VIP TV / Lucitania Barreto

Istoria daruak akontese iha 1999, wainhira Indonesia liu hosi Prezidenti BJ. Habibie deklara opsaun referendu ba povu Timor-Leste hodi hili opsaun ba future Timor-Leste maka simu autonomia espesial ou rejeita autonomia.

“Indonezia ofisialmente deklara Timor Leste Laos parte husi Republika Indonezia iha 25 outobru 1999 ne’ebe ohin loron deklara ona iha Monumentu Liberdade Balibo no husi Festival Fronteira 2023 sei husik hotu buat ne’ebe iha pasadu sai memoria no hanoin filafali idea ne’ebe diak hodi hametin Timor Leste ho Indonezia oinsa atu dezemvolve nasaun rua nee sai diak liu tan iha future,” dehan Hugo.

Entertantu, Administrador Belu, Agustinho Taolin hateten, maski diferente nasaun, maibe povu Ilha Timor nia konsidera ida deit.

“Hau orgullu tebes ho imi nia laran luak simu ami ho diak no kultura ne’ebe imi hatudu mai ami husi kultura tradisional nee hau hare katak ita ne’e la seluk maibe ita ida deit,” hateten Taolin.

Ema numeru ida iha Kabupaten Belu, NTT ne’e mos promesa katak, tinan oin sei realiza eventu kultura hanesan iha Mota Ain hodi kontinua hametin relasaun amizade povu iha fronteira.

  • Share

Leave a Reply

Your email address will not be published. Required fields are marked *

error: Content is protected !!