Membru UEP 604 Hetan Promosaun Deviza

DILI, www.news-viptv.com – Komandu Jerál Polisia Nasionál Timor-Leste (PNTL) realiza serimonia impozisaun tula diviza tranzitoriu no promosaun antigidade ba membru PNTL nain 604 ne’ebé destakadu iha Unidade Espesial Polisia.

Ministru Interior, Francisco da Costa Guterres hateten, promosaun deviza ba membru PNTL hotu merese hetan nu’udar sakrifisiu no dedikasaun ba ne’ebe membru sira fo ba povu no nasaun durante tinan naruk nia laran.

Ministru interior fundamenta Governu ho estadu iha obrigasaun tomak, hodi fó onra ba servisu sira ne’ebé imi halo ona, ba oin servisu la’o tuir regra sira ne’ebé iha ona serbi povu no nasaun ho profisional kumpri ba irarkia komandu.

Ho promosaun diviza tranzitoriu ne’ebe membru PNTL tomak hetan, Komandante Jerál PNTL, Komisariu Jerál Polísia Henrique da Costa hateten, komando sei halo re-estruturasaun no alokasaun bazeia ba deviza ne’ebe tula ona.

Komandante UEP, Superintendente Xefi Damiao Coreia hateten ba nia membru sira ne’ebe hetan promosaun deviza atu kontinua hatudu profesionalismu iha servisu nia laran.