Membru F-FDTL nain 11 Sei Kompleta ESA iha Darwin

DILI, www.news-viptv.com – Membru F-FDTL nain 11 ne’ebe selesiadu ba Exercicio Shooting Activity (ESA) ou atividade treinamentu tiru nian sei kompleta sira nia exersiziu iha Darwin, Australia.

Tenente Verdial da Costa nudar komandante seksaun atiradores esplika, membru nain 11 ne’e selesiadu hosi nain 25 ne’ebe reprezenta kada komponente no unidade, halao ona treinamentu durante fulan 2 ho materia treinu funu kombate besik, funu iha ailaran, kombate uza bayoneta no ataka defensiva.

Komandate Centro Treinamentu Forsa Armada, Koronel Cesario Salustiana Marcal Ximenes esplika katak membru nain 11 ne’e sei aranka ba Darwin iha 13 Maiu no sei halo treinamentu hela durante loron 10.

Alende sei halo treinamentu iha Darwin, membru nain 11 ne’e mos sei partisipa kompetisaun tiru nian ho Forsa Marina Estadu Unidos Amerikanu no Forsas Australianu iha Baze Darwin nian.

Reporter: Fidelio dos Santos I Cameraman: Justinho Mendonca