Meet The Press I Governu Sei Fahe Be-Ro 140 ba Grupu Peskador Kaer Ikan

DILI, www.news-viptv.com – Hodi hasa’e tan produsaun ba atividade peskas kaer ikan nian, Governu sei fahe be-ro 140 ba grupu peskador sira iha tinan ne’e.

Politika fahe be-ro ba grupu peskador sira ne’e informa husi Sekretariu Estadu Peskas, Domingos dos Santos iha programa Meet The Press kona ba politika IX Governu Konstitusional iha setor peskas nian ne’ebe realiza husi Sekretariu Estadu Komunikasaun Sosial (SEKOMS), Sexta (16/5/2025), iha Salaun SEII, Kaikoli Dili.

Aumenta numeru be-ro ba tinan ne’e ho montante 140, tamba iha tinan 2024 husi be-ro 100 ne’ebe fahe, grupu peskador sira konsege atinji produsaun atividade kaer ikan nian ho numeru toneladas 8,316.

Alende hasa’e produsaun ikan iha tasi laran, governu mos kontinua nia politika apoia grupu hakiak ikan sira iha rai munisipiu ne’ebe laiha tasi hanesan ermera no aileu ne’ebe iha tinan 2023, konsege produz ikan hamutuk 996 toneladas.

Ba produsaun seluk, Timor-Leste mos konsege halo exportasaun budu tasi no ikan teripang ne’ebe iha tinan 2024 konsege exporta 7 toneladas.