banner 1000x250

MAPPF Fahe Ekipamentu Agrikola ba Grupu Agrikultor 53

  • Share
PM Xanana Gusmão ho Ministru MAPPF, Marcos da Cruz observa ekipamentu agrikola ne'ebe fahe ba grupu benefisiariu agikultor husi Ainaro, Bobonaro no Covalima. Photo: Media GPM
banner 728x90

DILI, www.news-viptv.com – Hodi aumenta produsaun agrikultura iha Timor-Leste, Ministeriu Agrikultura, Pekuaria, Peskas no Florestal (MAPPF), fahe makina no ekipamentu agrikola hanesan makina kua Hare, makina Kuda Hare no Traktok mediu ba agrikultor sira.

PM Xanana Gusmão koko traktor ne’ebe fahe ba grupu benefisiariu agikultor husi Ainaro, Bobonaro no Covalima. Photo: Media GPM

Seremonia entrega ekipamentu agrikultur sira ne’e fahe dereta husi Ministru (MAPPF), Marcos da Cruz no hetan prezensa husi Primeiru-Ministru Kay Rala Xanana Gusmão no Vise Primeiru Ministru, Ministru Koordenador assuntu Ekonomia, Ministru Turismu no Ambiente, Francisco Kalbuadi Lay, iha seremonia ne’ebe realiza iha edifisu MAPPF Comoro, Dili, Kinta (15/8/2024).

banner 1000x250

“Ho fasilidade sira ne’ebe iha ita konfia katak, ita produz no it abele han,” hateten PM Xanana iha seremonia entrega ekipamentu agrikola ne’e.

Ho ekipamentu agrikola ne’e, Ministru MAPPF, Marcos da Cruz hateten produsaun agrikola sei aumenta liu tan.

Vise PM, Minisru Koordenador Assuntu Ekonomia, Ministru Turismu no Ambiente, Francisco Kalbuadi Lay koko handtractor ne’ebe fahe ba grupu agrikultor sira. Photo: Media GPM

“Lansamentu ida ohin ne’e ho objetivu atu hatudu ba ita nia populasaun sira hotu katak komesa ohin ba oin ita sei servisu hamutuk atu aumenta produsaun ba Ita nia setor agrikultura pekuaria, peska no florestal. Makina sira iha ne’e laos deit makina sira uza hodi koa rai ou fila rai hanesan traktok maibe ita komesa introdus ona makina rua ne’ebe uza hodi kuda hare,” dehan Marcos da Cruz.

Makina no ekipamentu agrikola ne’ebe fah eba benefisariu sira ne’e mai husi Orsamentu Jeral Estadu 2024 no orsamentu husi parseiria ho Banku Mundial, no SAPIP.

Makina no ekipamentu agrikola ne’ebe fahe maka Traktor Ki’ik hamutuk 400, Traktor bo’ot 25, Atraladu 6, Traktor Liman 38, makina koa hare 23, makina atu transpante ka kuda hare 103.

Sasan sira ne’e, MAPPF fahe ba grupu benefisaria hamutuk 53 iha munisipiu 3 Ainaro, Bobonaro no Covalima.

“Grupu sira ne’ebe sai benefisiariu ba makina sira ne’e hamutuk grupu 53 no sira iha sira nia ema ne’ebe reprezentate ba sira grupu ne’e iha ne’e, depois de ida ne’e ita mos sei ba to sira nia fatin hodi fahe ekipamentus sira ne’e ba kada sira nia grupu” nia hakotu.

Ho sasan sira ne’e, ministru ne’e hateten bele ajuda ona rezolve bele hafasil servisu agrikultor sira ne’ebe la persiza agrikultor barak no hamenus tempu servisu durante iha natar laran.

Bonifasio Xavier Amaral nu’udar grupu benefisiariu husi Munisipiu Bobonaro senti orgullu ho ekipamentu ne’ebe simu husi MAPPF.

“Ami nudar benefisiariu ami agradese i ami orgullu no kontenti teb-tebes tanba ukun an tinan 22 ona ami agrikultor sira halo tos ho natar ho uza deit manual hanesan liman ho ain. Maibe iha tinan ida ne’e, ami agradese tebes ba ami nia doadores sira hanesan SAPIP, Banco Mundial no MAPPF ne’ebe oferese ona makina sira ne’e mai ami,“ dehan Bonifacio ne’ebe hateten hamutuk iha grupu 20 husi Munisipiu Bobonaro ne’ebe kada grupu rua hetan makina ida.

  • Share

Leave a Reply

Your email address will not be published. Required fields are marked *

error: Content is protected !!