Kroasia Hakarak Halo Kooperasaun Edukasaun no Saude ho Timor-Leste

DILI, www.news-viptv.com – Embaixadór Repúblika Kroasia ba Indonézia no Asosiasaun Nasoens Sudeste Aziatiku (ASEAN), Nebojsa Koharovic iha nia hasoru malu ho Primeiru-Ministru, Kay Rala Xanana Gusmão hato’o posibilidade Kroasia nian ba kooperasaun iha area edukasaun no saude.

“Kroasia, hanesan Timor-Leste, mak nasaun ida-ne’ebé halo funu. Maibé agora ita ko’alia kona-ba dezenvolvimentu no posibilidade kooperasaun nian, liuliu iha área oin-oin, liuliu iha área edukasaun nian, segundu, iha área saúde nian no iha área saúde nian, no iha área terseiru, klaru, iha dezenvolvimentu no projetu ekonómiku,” dehan Embaixador Nebojsa Koharovic ba jornalista sira, Segunda (19/2/2024), iha Palacio do Governo, Dili.

Alende koalia asuntu bilateral entre nasaun rua ne’e, iha inkontru ne’e, koalia mos kona-ba kooperasaun entre Timor-Leste no nasaun sira iha Uniaun Europeia hamutuk nasaun 27.

“Ikus-liu, hau kontente tebes atu fó-hatene ba imi katak ami ko’alia kona-ba posibilidade husi Primeiru-Ministru Xanana Gusmao ne’ebé vizita Kroasia durante nia viagem iha Europa iha Maiu tinan ida-ne’e, bainhira sei marka prezensa iha Simeira Ekonomia Blue iha Gregu. Tanba ne’e ami mós halo planu atu nia halo viajen ba Kroasia durante nia viajen iha Europa,” dehan embaixador ne’e.