Kontribui Sussesu Vizita Papal Nian, Estadu Kondekora Ordem Timor-Leste ba Ema Nain 7

Dili, www.news-viptv.com – Relasiona ho sussesu vizita papal nian iha 8-11 Setembru 2024, Estadu Timor-Leste liu husi Prezidenti republika, Jose Ramos Horta kondekora ema nain 7 ho Medalla Ordem Timor-Leste, iha Palásiu Prezidensiál Nicolau Lobato, Kinta (04/9/2025).

Alende kondekora ema nain 7 refere, PR Ramos-Horta mos kondekora ema nain 25 ho Medalla Ordem de Merito no Sertifikadu Elojia ba Pesoál no Organizasaun sira hamutuk 182, ba sira-nia kontribuisaun esepsionál ba susesu istóriku vizita Apostólika Dahuluk Sua Santidade Papa Francisco mai Timor-Leste.

Nune’e mos xefi estady, póstumu kondekora Grau Insígnia Orden Timor-Leste nian ba distintu Padre na’in rua husi Salezianu Don Bosco (SDB), iha okaziaun Aniversáriu Konsulta Populár nian ba dala 26.

Tuir Dekretu Prezidente Repúblika No. 88/2025, ne’ebé asina iha loron 2 fulan-setembru tinan 2025, Prezidente Ramos-Horta kondekora póstumu Grau Insígnia Orden Timor-Leste nian ba padre Salezianu Don Bosco (SDB) na’in rua, nu’udar rekoñesimentu ba padre sira-nia servisu kle’an no dedikadu hodi haburas relasaun istórika entre Timor-Leste no Vatikanu, ne’ebé sai fundamentál hodi promove pás, estabilidade nasionál, no dezenvolvimentu. Sira-nia esforsu durante moris tomak fó benefísiu no konfortu boot tebes ba sidadaun Timoroan barak.

Tuir mai Padre na’in rua husi Salezianu Don Bosco (SDB), ne’ebe mak hetan Kondekora póstumu Grau Insígnia Orden Timor-Leste nian husi Prezidente Ramos-Horta mak hanesan , 1. Padre Afonso Nascher, SDB, 2. Padre Luiggi Pietro, SDB.

Aleinde ne’e, tuir Dekretu Prezidente Repúblika No. 89/2025, ne’ebé asina mós iha loron 2 fulan-Setembru tinan 2025, Prezidente Ramos-Horta fó onra nasionál ba pesoál no grupu lubuk ida tanba sira-nia kontribuisaun esepsionál ba susesu istóriku Vizita Apostólika Sua Santidade Papa Francisco nian mai Timor-Leste iha fulan-Setembru tinan 2024.

Tuir mai pesoál ne’ebé simu kondekorasaun ho Medalla Orden de Timor-Leste mak hanesan,  1. Francisco da Costa Guterres, 2. Gastão de Souza, 3. Miguel Marques Gonçalves Manetelu, 4. Samuel Marçal, 5. Jorge Soares Cristovão, 6. Aleixo Ximenes, 7. Father Sancho Amaral.

Enkuantu ba pesoál ne’ebé simu Medalla Méritu ema nain 25  mak hanesan tuir mai ne’e, 1. José dos Reis Magno, 2. Maria Goretti Marques Belo, 3. Ângelo Urbano Fernandes, 4. Benigno Humberto Gregório da Cruz, 5. José Ramos Marçal, 6. Eliázaro Teófilo de Araújo Amaral, 7. Filomena da Costa, 8. Natércio G. de Carvalho, 9. Police Chief Pedro Belo, 10. Infantry Colonel João da Costa Esteves, 11. Julio de Jesus, 12. Rui Lourenço da Costa, 13. Gil Paulino dos Santos Oliveira, 14. Gastão Maria da Piedade, 15. José Soares, 16. Colonel Domingos da Costa, 17. Venâncio Pinto, 18. José de Oliveira Leong, 19. Romualdo Antonio Soares da Silva, 20. Marco Paulo Faria dos Reis de Sousa, 21. Januário Maria Guterres, 22. João Paulo Amaral, 23. Francisco Xavier de Deus Jerônimo, 24. Cesaltina da C. Moreira, 25. Superintendent Damião da Silva Correia

Prezidente Ramos-Horta hateten, “Iha loron reflesaun nasionál ida-ne’e, ita fó onra ba pilar fundamentál sira ba ita-nia pasadu no mós ba arkitetu dedikadu sira iha ita-nia prezente. Naroman fiar nian, kompaixaun, no servisu ne’ebé la para ne’ebé hatudu husi Amo Nascher no Amo Pietro orienta ita-nia povu durante momentu nakukun tebes. Sira-nia legadu sempre liga hamutuk iha istoria ita-nia nasaun nian. Ita mós selebra serbisu notavel husi sira ne’ebé simu prémiu ba sira-nia esforsu koletivu halo vizita Sua Santidade Papa Francisco nian sai susesu boot tebes. Sira hatudu ba mundu tomak pás, estabilidade, no unidade nasaun Timor nian. Hamutuk, prémiu hirak-ne’e garante katak memória husi obra di’ak sira-ne’e sei kontinua inspira jerasaun Timoroan sira ne’ebé sei mai.”

Serimónia ida-ne’e sai nu’udar momentu ida ba nasaun hodi reflete kona-ba sakrifísiu ne’ebé ema barak halo, husi área hotu-hotu, ne’ebé kontribui ba Timor-Leste nia independénsia no espíritu ne’ebé dura.