Komunidade Ainaro Antusiasmu Simu Jeneral (Ref) Lere

  • Share
Jeneral (Ref) Lere Anan Timur ho espousa Cidalia Ximenes Martins wainhira simu hosi komunidade Ainaro, Sexta (4/2/2022). Photo: VIP TV/ Leonito Magno

AINARO, www.news-viptv.com – Komunidade Ainaro iha Sexta (4/2/2022) lokoraik ohin antusiasmu simu Jeneral (Reformadu) Lere Anan Timur.

Jeneral fitun tolu ne’e vizita Ainaro hodi prepara an ba nia deklarasaun offisial ba nia kandidatu Prezidenti Republika hodi kompete iha eleisaun prezidensial 19 Marsu 2022.

banner 336x280

Jeneral Lere nebe akompana hosi nia espoza Cidalia Mesquita Ximenes simu hosi ekipa susesu kandidatura Lere Anan Timor ba Prezidenti Republika 2022-2027 no veteranu balun hosi Munisipiu Ainaro no joventude sira.

Jeneral fitun tolu, Lere Anan Timur moris iha Daraa Mara, Iliomar, 2 Fevereiru 1952. Oan hosi Domingos Dos Santos ho Filipa do Santos.

Kareira Jeneral Lere iha F-FDTL hahu ho kargu Xefi Estadu Maior das F-FDTL iha tinan 2002 to’o 2011, depois kontinua ba Xefi Estadu Maior Jeneral F-FDTL 2011 to’o 2022.

Iha tempu okupasaun Indonesia, iha tinan 1975 nudar Vise Sekretariu Zona Iliomar.

1976 – 1978  eletu sai Delegadu Komisariadu no nomeadu Sekretariu Zona Marabia Traktor no Responsavel RENAL iha Ponta Leste.

1978 – 1980 Komandante Sul Ponta Leste

1981 Membru Komite Central FRETILIN no Komisariu Politiku Rejiaun Funu sei nafatin

1983 – 1984 Komisariu Politik Rejiaun Haksolok. Destakadu iha fronteira hamutuk Komandante Feras, Komandante Lekas no sira seluk hanesan Saudozu Samba 9, Maukaro 305, no kamarada sira seluk

1984 – 1990 Komandante 4 Unidade iha Sentru Sul hamutuk ho Komandante Ular Ri’ik

1990 – 1999 Primeiru Komandante Rejiaun Ponta Sul no Responsavel Prinspal

1997 – 1999 Sub Xefi Estadu Maior FALINTIL no Primeiru Komandante Rejiaun Ponta Leste pur akumulasaun

  • Share

Leave a Reply

Your email address will not be published. Required fields are marked *