Komite 12 Novembru husu Politikus Respeita Xanana I Mouris: Pedro laiha Etika, Moral no Respeitu

DILI, www.news-viptv.com –  Konsidera Xanana Gusmao no Ramos Horta nudar arkitetu no aliserse ba luta libertasaun Timor-Leste, Komite 12 Novembru kondena Pedro Aparicio ne’ebe halo ataka pessoal familia nian ba Xanana Gusmão no Jose Ramos Horta.

Prezidenti Komite 12 Novembru, Gregorio Saldanha Mouris lamenta los ho Pedro Aparicio ne’ebe lakon ona nia etika, laiha moral no laiha respeitu ba lider bo’ot nasaun rua ne’e.

Nudar povu, Timor-Leste tenki agradese ba luta lider nasional sira ne’ebe sei moris to’o ohin loron hodi kontinua luta ba dezemvolvimentu nasional no hasai povu hosi terus no susar.

Nudar organizasaun resistensia joventude nian ne’ebe luta mos ba libertasaun nasional liu hosi asaun 12 Novembru ne’ebe hamate vida joventude barak ne’ebe hakarak nasaun ne’e ukun rasik an, Komite 12 Novembru alert aba politiku nain sira atu respeita lider nasional sira tamba sira mak patrimoniu estadu nian lolos maski diferensia hanoin no politika ba konseptu dezemvolvimentu nasional.

Reporter: Fidelio dos Santos I Cameraman: Leonito de Fatima