Komité 12 Novembro Husu Governu Hari’i Monumentu Saudozu Sebastião Gomes Nian

  • Share
Prezidenti Komite 12 Novembro, Gregorio "Mours" Saldanha wainhira halo intervista espesial ho Jornalista Senior VIP TV, Evangelisto Gantry dos Santos Meilana. Photo: Komite 12 Novembro / Adão Vieira

DILI, www.news-viptv.com – Prezidente Komité 12 de Novembro, Gregorio “Mouris” Saldanha husu ba Governu atu harii monumentu Sebastião Gomes.

Mouris hateten, monumentu ne’ebe dadaun hanaran jardim 12 de Novembro Motael ne’e tenki troka hikas ba Monumentu Sebastião Gomes.

banner 336x280

“Ami husu atu governu hari’i mos monumentu saudozu Sebastião Gomes nian iha jardin Igreja Motael oin,  hodi troka monumentu atuál naran Jardim 12 de Novembro Motael,” dehan Mouris ba VIP TV, iha nia mensajem tinan 30 Masakre Santa Cruz 12 Novembru 1991 – 2021.

Hodi Komité 12 Novembro nia naran, Mouris hato’o agradesimentu ba’a Governu, ne’ebé hahú hari’i ona monumentu massacre Santa Cruz.

“Ami husu atu kompañia ne’ebé manán konkursu, atu halo monumentu massacre Santa Cruz ne’e ho kualidade iha tempu ne’ebé determina ona. Nune’e tinan oin 2022, ita bele komemora 12 Novembro nudar loron massacre Santa Cruz no loron nasionál ba’a juventude, iha monumentu ka memoriál ida prontu ona iha rate santa cruz ne’e,” dehan Mouris.

Hafoin Sebastião Gomes mate iha loron 28 de Outubru. Juventude loriku asuwa’in sira konvoka malu hodi hala’o demonstrasaun iha Jardin Motael to’o mai iha Santa Cruz hodi depende povu no nasaun ida ne’e hosi okupasaun Indonesia.

Alende pedidu Komite 12 Novembru nian kona ba Monumentu Sebastião Gomes, Komite mos husu atu Governu rezolve hotu ona mate-restu massacre Santa Cruz no kombatentes sira seluk nia direitu ne’ebé léi garante, tamba sira barak hein to’o mate tutuir malu, tamba moras ka tamba idade.

“Ami husu atu Governu Timor-Leste tenki ratifika ona konvesaun kona ba’a ema lakon, hodi ativu buka hatene ita nia as’wain sira  ne’ebé lakon ka mate iha massacre Santa Cruz, no sira seluk ne’ebé lakon ka mate iha funu libertasaun nasionál, aproveita Governu Timor-Leste nia relasaun diak ho Governu Indonésia, ka relasaun diak ita líderes istórikus sira ho indonésia nia eis-militares  sira,” dehan Mouris.

Writer: SOARES, AngelinaEditor: MEILANA, Evangelisto Santos
  • Share

Leave a Reply

Your email address will not be published. Required fields are marked *

error: Content is protected !!