banner 1000x250

KHUNTO Husu Governu Taka EDTL, EP no BTL, EP

  • Share
Deputada KHUNTO, Antonio Verdial de Sousa. Photo: VIPhoto/Screenshoot RTPN
banner 728x90

DILI, www.news-viptv.com – Hare’e ba estrutura IX Governu Konstitusional ne’ebe iha ona Sekretariu Estadu Eletresidade, Be’e no Saneamentu, Bankada Kmanek Haburas Nasional Timor Oan (KHUNTO) husu ba governu diak liu taka tiha empreza publiku Eletresidade de Timor-Leste (EDTL) ho Be’e Timor-Leste (BTL).

Iha deklarasaun Bankada KHUNTO nian ne’ebe hato’o husi Deputadu Antonio Verdial de Souza hateten, ho prezensa sekretariu estadu governu lolos iha kompetensia tomak hodi jere asuntu eletresidade no be’e mos no la persiza tan EDTL ho BTL.

banner 1000x250

“Bankada KHUNTO lamenta estrutura Governu ne’ebe bokur demais, iha ona sekretariu estadu eletrisidade, bee no saneamentu nian, maibe tanba sa mak harii tan instituisaun empresa publiku 2 kedas maka EDTL, EP, no BTL, EP.  Presija komprende katak kuandu estrutura Governamental bokur demais nia impaktu mak negativa hodi oferese prejudizu osan povo galae, na-kualidade hanesan deputadu hau sujere ba Governu Konstitusional IX atu taka tia EDTL no BTL, atu nunue’e atribua kompentensia tomak ba sekretariu estadu refere,” dehan Antonio iha plenaria Parlamentu Nasional, Segunda (13/5/2025).

Nia esplika, prezensa EDTL ho BTL laiha funsaun, liliu EDTL ne’ebe kontinua labele rezolve problema eletresidade ne’ebe sempre mate-lakan.

KHUNTO, hateten Deputadu Antonio, lamenta  no prekupa tebes ho projetu emerjensia sira ne’ebe lao tardi nune’e kontinua prejudika komunidade sira nia movimentasaun transporte.

“Infraestrutura no Estrada hanesan pilar importante ida iha desenvolvimentu nasional tamba dalan maka fasilita atividade ekonomia movimentu social sial inklui transportasaun

Rekonese MOP hadia ona Estrada iha bairo-bairo kapital Dili laran nian, PA no suku balun, maibe iha fatin barak mos sei grave hela,” nia hateten.

Nia esplika, “Estrada ne’ebe grave no sai prioridade ida sira seluk ita ladauk tau iha planu hodi hadia, maibe rona liu kompana, familia no broker sira hodi hadia uluk Estrada balun ne’ebe nia benefisiariu minimu tebes no la tama kategoria prioridade hadia dahuluk”.

KHUNTO mos lamenta ho politika Ministeriu Obras Publiku ne’ebe la tau prioridade dalan munisipiu liliu iha Munisipiu Lautem no Ainaro, maibe hare uluk Estrada iha aldeia no suku sira.

  • Share

Leave a Reply

Your email address will not be published. Required fields are marked *

error: Content is protected !!