KASEAS Realiza Sessaun Espesial kona ba Timor-Leste Nia Adezaun ba ASEAN

SEOUL, www.news-viptv.com – Asosiasaun Koreanu ba Estudu Rejiaun Sudeste Aziátiku ka Korean Association of Southeast Asian Studies (KASEAS) sigla inglés, servisu hamutuk ho Universidade Korea no Universidade Yonsei organiza sesaun espesiál ne’ebé fó fokus ba jornada históriku Timor-Leste atu sai membro plenu ASEAN iha Outubru 2025.

Sesaun espesial ne’ebe partisipa mos husi António de Sá Benevides, Embaixadór Timor-Leste ba Repúblika Korea, iha ninia palavra kongratulasaun, parabeniza komisaun organizadora no subliña katak adezaun Timor-Leste ba ASEAN la’ós deit marku polítiku, maibé mos hanesan vizãu kompartilha kona-ba solidariedade, integrasaun no prosperidade rejional.

Embaixadór Benevides mos hato’o agradecimento boot ba Repúblika Korea, KOICA, KASEAS no komunidade akademika, tanba suporta ne’ebé contínu iha prosesu ida-ne’e. Nia subliña mos papel importante Korea hanesan ASEAN Dialogue Partner no fó apelu atu hametin liu kooperasaun iha área edukasaun, empoderamentu juventude, dezenvolvimentu sustentável, no integrasaun rejional.

“Adezaun Timor-Leste ba ASEAN la’ós deit loron importante ba nasaun ida-ne’e, maibé mos vitória koletiva ba komunidade Sudeste Aziátiku tomak,” hateten Embaixador Benevides.

Iha Outubru 2025, Timor-Leste sei hahú pájina foun ida kumpri ba parceria, valór kompartilha, no esperansa komún atu kria paz no prosperidade iha rejiaun tomak spesialmente iha àrea Sudeste Aziàtiku.

Konvidadu no oradores sira iha eventu refere maka hanesan Songkane , Embaixador Laos ba Korea do Sul, Prof. Choon Lyol Lee (Universidade Korea), Prof. Dong Yeob Kim(Prezidente KASEAS), Prof Jae Hyeok Shin hanesan moderador husi universidade Korea, Prof Hyuan Jong Kim husi Universidade Yonsei, Prof Sung Yu Kim, Prof Choi husi Korea center, Diretora Eun Seong Park husi Ministerio Negosio Estrangeiro Korea (MOFA) Choi Myung Keun representante sénior husi KOICA, Sunhwa Lee, eis Diretora husi Banco Desenvolvimento Asiatico (ADB) hamutuk ho komunidade akademika Korea, Estudantes Timor oan no Korea , diplomata no funsionario embaixada Timor Leste partisipadu iha sesaun ida-ne’e, no reafirma sira nia kompromisu atu kontinua fó suporta ba roteiru ASEAN Timor-Leste no hametin relasaun Korea–Timor-Leste.