Kardeál sira husu ba sarani Katolika atu reza ba sira nia dixernimentu ba Amu-Papa foun.

VATIKANU, www.news-viptv.com – Koléjiu Kardeál sira husu ona atu sarani Katóliku sira hotu reza ba sira, atu nune’e sira bele rona Espíritu Santu bainhira sira dixerni sé maka atu hili nu’udar Amu-Papa tuirmai.

Santa Sé fó sai deklarasaun ida iha loron-kuarta ne’ebé kardeál sira ne’ebé prepara ba konklave ne’ebé sei mai husu ba sarani sira atu reza ba sira.

Iha komunikadu imprensa ne’ebe redasaun assesu hateten, Koléjiu Kardeál sira-nian ne’ebé halibur iha Roma, envolve iha Kongregasaun Jerál sira iha preparasaun ba Konklave, hakarak konvida Maromak nia Povu atu moris momentu ekleziál ida-ne’e nu’udar eventu grasa no dixernimentu espirituál nian, hodi rona Maromak nia hakarak.

Kardeál sira hatete katak sira sente “nesesidade atu hetan apoiu hosi orasaun sira hosi sarani sira hotu”, tanba sira hatene sira nia responsabilidade hodi hili Susesór Peter nian tuirmai. Orasaun, mak forsa loloos ne’ebé iha Kreda promove unidade membru hotu-hotu husi Kristu nia Isin ida de’it.”

Kardeál sira nota katak Espíritu Santu maka “protagonista ba Maromak nia Povu nia moris, Ida ne’ebé ita tenke rona, hodi simu saida maka Nia hatete ba Kreda.”

“Maria Santíssima akompaña orasaun sira-ne’e ho ninia intersesaun materna”, konklui deklarasaun Kardeál sira-nian.