banner 1000x250

Junta Militar Myanmar Offisialmente Adia Eleisoens

  • Share
Llíder Junta Militar, Min Aung Hlaing, durante desfile komemorasaun ba loron Forças Armadas Myanmar iha 27 Marsu 2022. Foto: AP/Aung Shine Oo
banner 728x90

DILI, www.news-viptv.com – Promesa Junta Militar Myanmar ba realizasaun eleisoens iha Agostu 2023 hafoin golpe iha 2021 sei la realiza no offisialmente adia fali tan.

Dezisaun ne’e foti hafoin lider Junta Militar, Min Aung Hlaing iha Segunda (31/7/2023) anunsia ona atu prolongga estadu emerjensia ba fulan nen tan, sita Reuters.

Llíder Junta Militar, Min Aung Hlaing. Foto: AP/Aung Shine Oo

Violasaun ne’ebe sei akontese iha Myanmar sai razaun junta militar adia eleisoens.

“Iha realizasaun eleisoens, atu eleisoens lao livre no justu,no bele fo votu ho laiha tauk, nesesita atu aranja seguransa nune’e estadu emerjensia persiza extende,” deklarasaun hosi junta militar iha TV Governu, tuir publikasaun CNNIndonesia.

Responde ba anunsia refere, Ministeriu Negosiu Estranjeiru Estadu Unidos Amerikanu (EUA) hateten, extensaun estadu emerjensia sei lori liu tan Myanmar ba dalan violensia no instabilidade.

“Brutalidade rezim ne’ebe luan no desrespeita aspirasaun demokrasia povu Myanmar sei kontinua krizi,” dehan Porta Voz Ministeriu Negosiu Estranjeiru EUA, Matthew Miller.

Myanmar iha krizi politika no humanidade hafoin militar halo golpe iha Fevereiru 2021. Junta akuza partidu vensedor, Liga Demokrasia Nasional (NLD) halo frauda durante votasaun iha Novembru 2020.

Iha nia asaun, military kaptura Prezidente Partidu NLD, Aung San Suu Kyi, no mos Prezidenti no Vise Prezidenti Myanmar.

La simu ho golpe refere, povu tun iha dalan hodi protesta militar nia asaun, maibe Junta responde ho violensia.

Milisia balun iha Myanmar foti asaun kontra no hasoru. Sivil barak maka hit kilat hafoin treina sekreta iha ailaran. Rezime Aung Hlaing mos kaptura no oho se-se det maka kontra governasaun Junta Militar nian.

Observasaun hosi ajensia direitu humanu sira, Associação de Assistência aos Presos Políticos (AAPP) relata vitima mate desde golpe hamutuk 3.875 orang, nain 24.100 maka hetan kapturasaun no nain 19.733 maka detidu.

  • Share

Leave a Reply

Your email address will not be published. Required fields are marked *

error: Content is protected !!