banner 1000x250

Joaninha Alves Soares Eleita ba Xefi Suku Bairo Pite

  • Share
banner 728x90

DILI, www.news-viptv.com – Kandidatu Xefi Suku Bairo Pite ho numeru sorteiu ida, Joaninha Alves Soares eleita ba Xefi Suku foun Bairo Pite halakon Joao Baptista da Costa Belo atual xefi suku ne’ebe asumi kargu refere desde tinan 2002.

Joaninha Alves Soares eis xefi aldeia Fuslam Kakaulidun, eleita hafoin hetan votos konfiansa hosi eleitor sira hamutuk 5.537. Entertantu nia competitor hetan 5.047. Hamutuk iha aldeia 26 iha suku Bairo Pite.

Iha nia Kakaulidun, bairo ne’ebe Joaninha hela kompostu hosi aldeia rua maka Fuslam no Niken. Iha Fuslam Joaninha hetan votos 438, no Joao Belo hetan deit 38. Entertantu iha aldeia Niken, Joaninha hetan votos 442 no Joao Belo 169.

Vitoria ne’ebe Joaninha hetan iha eleisaun suku nian ne’e simu ho haksolok hosi nia komunidade iha Fuslam, tamba jerasaun Kakaulidun ba dahuluk bele lidera suku bairo pite ho nia total populasaun liu rihun 30.

Luisa Tilman Mascarenhas nuudar komunidade Bairo Pite husu atu Joaninha bele realiza nia promesa ne’ebe durante ne’e hatoo ba komunidade iha nia komprimisiu eleitoral

Ho Vitoria ne’ebe hetan, xefi suku eleita, Joaninha Alves Soares hateten, nia sei implementa duni programa 6 ne’ebe nia hatoo ona durante period kampana nian.

  • Share

Leave a Reply

Your email address will not be published. Required fields are marked *

error: Content is protected !!