Janineiru 2024, MS Rejista ona Kazu Dengue 49

DILI, www.news-viptv.com – Ministeriu Saude (MS) iha Janieiru 2024 dadauk ne’e rejista ona kazu moras Dengue hamutuk 49.

Vise Ministro Fortalesimentu Institusional Saúde, José dos Reis Magno hateten katak apoiu husi GX Fundation ba MS hodi kombate moras Dengue espera sei kombate duni moras Dengue iha Timor-Leste tamba foin mak hahu tinan 2024 liu deit semana 3, MS detekta ona moras Dengue hamutuk 49.

“Ohin hanesan oportunidade diak ida ba Ministério Saúde ne’ebe hetan tan apiou husi Governo Xina ne’ebe lidera husi GX fundation fo tan ekipamentus hodi kombate moras Dengue iha TL,” dehan Jose Magno ba jornalista sira, iha edifisiu MS, Palacio das Cinzas, Kaikoli, Dili.

Iha tinan 2023, vise ministru ne’e esplika, Ministeriu Saude rejista 1.953 kazu no tinan 2024 foin mak liu semana 3 iha 49 kazu.

“Tamba ne’e ho apoio ne’ebe ohin ita simu husi Governo Xina ita sei desloka ba sentru saúde sira hosi kombate Moras dengue,” nia dehan.

Material saude ne’ebe GX Foundation fo maka tonelada 10 inklui kilograma teste lalais 50,000, rede kama 500, ahi-oan mosquito 2,600 no surat-tahan aviaun 30,000 ba instalasaun médiku 360 inklui ospitál hotu-hotu, sentru saúde komunitária no postu saúde sira iha Timor-Leste.