banner 1000x250

Janieiru 2024, TL-RI asina Tratadu Demarkasaun Fronteira Terreste

  • Share
PM Xanana koalia ba jornalista sira hafoin relata progresu diskusaun ba demarkasaun fronteira terreste TL-RI ba PR Ramos-Horta. Foto Media GPM
banner 728x90

DILI, www.news-viptv.com – Timor-Leste (TL) ho Republika Indonesia (RI) konkorda ona atu asina tratadu demarkasaun fronteira tereste entre nasaun rua iha Janieiru 2024.

Ajenda asina demarkasaun fronteira terreste ne’e hato’o hosi Primeiru-Ministru Kay Rala Xanana Gusmão iha enkontru semanal ho Prezidenti Republika (PR) Jose Ramos-Horta, Kinta (30/11/2023), iha Palasiu Prezidensial Dili.

PM Xanana ho PR Ramos-Horta hafoin enkontru semanal iha Palasiu Prezidensial. Foto: Media GPM

“Informa ba Prezidenti Republika katak ekipa Indonezia ne’ebe iha hela ne’e (Timor-Leste) sira diskute kona ba fronteira terreste, ein prinsipiu katak buat hotu lao diak, bainhira maka atu asina tratadu, nee ikus ona tamba ekipa sira ne’e sei ba fali Indonesia hodi inform aba fali sira nia Governu,” dehan PM Xanana ba jornalista sira.

Iha inkontru ho xefi estadu, PM Xanana akompaña hosi Assistente Espesiál Ba Xefe Negosiador no Xefe Ekipa Teknika Negosiasaun no Ambito Delimitasaun Fronteira Terrestre Timor-Leste, Roberto Soares no Diretora Ezekutivu Gabinete Fronteira Terrestre no Maritima, Elizabeth Exposto.

Antes asina, TL-RI sei halo diskusaun teknika ikus nian hafoin ekipa teknika hosi nasaun rua halo diskusaun iha 20 to’o 27 novembru 2023 ekipa sira ba to’o Rejiaun Administrativa Espesiál Oé-cusse Ambeno (RAEOA), hodi sukat no marka terrenu.

Iha inkontru ho xefi estadu, xefi governu ne’e informa diskusaun teknika kona-ba segmentu naun-rezolvidu Noel Besi-Citrana iha fronteira terrestre iha Oe-Cusse no Indonézia nian. Iha liña fronteira terres nian balun rezolvidu ona, maibé deskusaun tenika kontinua realiz nafatin ho intensaun atu kompleta demarkasaun fronteira terrestre entre Timor-Leste no Indonésia ne’ebé posibilidade sei asina iha fulan Janeiru 2024.

Ekipa Delegasaun TL-RI hala’o diskusaun Konsultasaun Ofisial Sénior ba dala-ne’en (SOC) Nusa Dua-Bali, Indonézia foin lalais hasoru malu tan iha Oe-cusee hodi define delimitasaun definitiva no permanente fronteiras ho Indonésia sei salvaguarda soberania nasionál, hametin tan seguransa, garante afinidade sosiu-kulturál, no sei lori benefísiu sosiu-ekonómiku ba nasaun rua.

Entretantu, Timor-Leste no Indonézia nu’udar nasaun rua no rai ida ne’ebé lokaliza iha Triángulu Ahu Ruin, área ho biodiversidade biolójiku marínu aas liu iha mundu.

Inisiativa sira hanesan AIS Blue Hub, Sentru Peskiza no Dezenvolvimentu no Índise Dezenvolvimentu Ekonomia. Illa Ataúru, ne’ebé dok kilómetru 30 hosi kapitál Dili, simu bee biodiversu balun iha mundu no Timor-Leste estabelese ona Sentru Peskiza no Edukasaun Marínu ida iha Illa Ataúru no prepara hela atu deklara bee sira ne’ebé haleu illa parke nasionál ida.

  • Share

Leave a Reply

Your email address will not be published. Required fields are marked *

error: Content is protected !!