Iha Kampana, Povu Ermera Reafirma Votos Vitoria ba Ramos Horta

GLENO, www.news-viptv.com – Atu salva nasaun hosi violasaun konstitusional ne’ebe akontese durante tinan 5 dadauk ne’e hosi ukun nain sira ne’ebe interpreta konstituisaun lalo’os, prezidenti republika dahuluk  hafoin restaurasaun 20 Maiu 2022, Kay Rala Xanana Gusmão alerta ba povu Munisipiu Ermera atu vota Ramos Horta nudar prezixdenti republika foun.

Iha Gleno, Xanana Gusmao nudar Prezidenti Partidu CNRT apela ba povu Ermera, atu hamutuk nia ho Ramos Horta hodi halo referendum daruak nune’ebe bele hakotu krizi konstitusional no hahu hikas dezemvolvimentu ne’ebe paradu tinan 5.

Nudar kandidatu prezidneti republika ne’ebe kandidata hosi Partidu CNRT ho apoiu hosi partidu politiku balun no movimentu barak, wainhira eleitu, Ramos Horta hateten nia sei rona deit orientasaun Partidu CNRT nian, liliu Xanana Gusmao.

Premiadu nobel da paz ne’e mos deklara, iha nia vida moris nunka halo inimigu ho se-se deit, maski nia adversariu politiku konsidera nia nudar sira nia inimigu

Iha komisiu ne’e, Xanana Gusmao simu afiliasaun membrus husi Partidu FRETILIN ne’ebe desidi ona atu hanoin ida deit ho Xaana Gusmao nia lideransa liu hsoi partidu CNRT.

Reportagem: Justinho Mendonca