banner 1000x250

HWPL husu Israel ho Iraun Hapara Funu

  • Share
banner 728x90

DILI, www.news-viptv.com – Kultura Lalehan, Dame Mundiál, Restaurasaun Naroman (HWPL) nu’udar organizasaun naun govermentais internasional husi Koreia Sul ne’ebe foka ba dame nian, espresa preokupasaun klean kona-ba konflitu violentu entre Israel no Iraun ne’ebé akontese iha Juñu 2025 no kondena konflitu refere.

Atake ho eskala boot Israel nian hasoru Iraun iha loron 13 no kontra-atake Iraun nian kria ona instabilidade iha Médiu Oriente nia li’ur, inklui globalmente.

banner 1000x250

“Konflitu violentu labele sai solusaun no lori de’it ba destruisaun ne’ebé labele hadi’a no lakon vida inosente sira. Sira ne’ebé selu folin aas liu maka feto no joven sira, ne’ebé kaer metin sosiedade ida ne’ebé sustentável hamutuk.” Hakerek komunikadu imprensa HWPL ne’ebe redasaun simu.

Nasoins Unidas no komunidade internasionál hato’o hela sira-nia preokupasaun no alerta hasoru violénsia ne’ebé naruk, husu rezolusaun pasífika ba situasaun ne’e. Nu’udar lian unifikadu ida ne’ebé kontinua hamriik hasoru funu sira no promove dame, la haree ba diferensa étnika, nasionál ka relijioza, HWPL hamutuk ho membru responsavel sira seluk hosi komunidade internasionál hodi husu atu hapara lalais violénsia.

“Ema hotu iha jerasaun ida-ne’e hakarak tebes dame no ita tenke haka’as-an atu hetan ida-ne’e. Povu Israel no Iraun hakarak dame, no komunidade globál tomak mós hein katak dame sei restaura. Hahalok funu atuál sira hanesan krime ida hasoru sidadaun sira hosi nasaun rua no hasoru povu hotu-hotu iha mundu, no hahalok sira-ne’e sei husik hela marka ida ne’ebé labele hadi’a iha istória,” deklara HWPL.

HWPL dala ida tan husu ba Israel no Iraun atu hapara uza violénsia no buka solusaun pasífika liuhosi diálogu no negosiasaun, hodi respeita prinsípiu sira lei internasionál nian. Komunidade global sei fo apoiu ba desizaun nasaun rua nian hodi promove dame.

  • Share

Leave a Reply

Your email address will not be published. Required fields are marked *

error: Content is protected !!