Hasoru PM Xanana, Rogerio Lobato Atualiza Progressu Servisu RAEOA no Preparasaun ba Dezentralizasaun

DILI, www.news-viptv.com  – Prezidente Autoridade Rejiaun Administrativa Espesial Oecusse Ambeno (RAEOA), Rogério Tiago Lobato hasoru Primeiru-Ministru (PM), Kay Rala Xanana Gusmão hodi atualiza progressu servisu nian no preparasaun ba dezentralizasaun.

Rogério Lobato esplika, iha fulan hirak liuba Xefe Governu ba RAEOA kona ba planu desentralizasaun apartir agora halo servisu no organiza, ba suku sira aldeia sira, postu administrativos sira, no tenke prepara ita nia rekurso humanu tamba ita halo ona governu lokal, ita tenke iha rekurso humanu nebe’e iha kapasidade, atu kaer finansas, administrasaun, saude, agrikultura, ho buat sira ne’e hotu.

“Kada munisipiu realidade Oe-cusse nian la hanesan ho munisípiu sira seluk, ne’ebe e ita tenke hare’e saida mak bele organiza barak, para desentralizasaun ne’e laos iha Oe-cusse deit, maibe iha mos timor laran tomak, nebe’e ita halo eleisaun iha munisipiu sira, no too fale iha eleições jerais, iha munisipiu sira seluk sei halo jerais halo esforsu para atu hili deputado sira iha Parlamentu Nasional,” dehan Rogerio Lobato ba jornalista, Tersa (03/06/2025), iha Palacio do Governo, Dili.

Iha enkontru ne’e mos sira diskute mos kona-ba, kria ambiente nebe’e ke joven sira, sai husi universidade, labele depende deit ba iha estudo hanesan empregador principal, atu bele servisu iha Ministériu Agrikultura, no iha areas oioin.

Nia hatete tan, RAEOA rai nebe’e ke kiik, hanesan Munisipiu sira seluk, maibe bo’ot liu Singapura, iha Singapura 600 kilometru kuadradu, maibe iha Oe-cusse 800 kilometro Kuadradu, nomos iha Manganes no Minarais oioin, no iha karau 48 mil Kabesas.