banner 1000x250

Hasai Hosi Partidu, Olinda: Hau La Hakfodak no Sei Lori ba Tribunal

  • Share
Deputada Olinda Guterres. Foto: Screenshoot VIP TV.
banner 728x90

DILI, www.news-viptv.com – Relasiona ho deklarasaun hosi Organizasaun Nasional Juventude Partidu Kmanek Haburas Unidade Nasional Timor Oan (ONJ-KHUNTO) ne’ebe ejiji Jose Naimori Bucar hodi hasai Deputada Olinda Guterres hosi partidu, deputada ne’e resposta nia la hakfodak liu.

“Partidu KHUNTO ne’e hau la hakfodak liu, hasai hau husi partidu ne’e ami barak ona ne’e, estrutura de’it agora namkari ona atu sai husi partidu ne’e, ha’u prontu, prontu 100 %,” deklara Olinda Guterres ba jornalista , Sexta (16/02/24) via telefone.

banner 1000x250

Deputada ne’e hatan tan katak nia sei la tauk ho “ameasa” ne’e mos, sei akontese nia mos sei lori Partidu KHUNTO ba tribunal.

“Hasai hau husi partidu ne’e, tinan serviu iha parlamentu ne’e Partidu KHUNTO hau sei lori ba tribunal durante ita investe osan ne’e, iha hau nia kaben nia livru hotu, hau bele lori partidu ba tribunal,” nia responde.

Rona ba deklarasaun ikus Olinda Guterres, Kuadrus no militante Partidu KHUNTO Postu Administrativa Cristo Rei, Munisipiu Dili iha konferensia imprensa sira sei hamutuk partidu no Naimori hodi defende KHUNTO.

Kuadrus no Militante P-KHUNTO hosi PA Cristo Rei, Munisipiu Dili kondena makas deklarasaun deputada Olinda Guterres hasoru Naimori. Foto: Julião Belem / VIP TV

“Iha nasaun ida, ita hotu-hotu hakru’uk ba lei tamba ne’e senora deputada karik nia prontu lori ba tribunal ami nafatin hamriik firme ho ami nia Partidu,” dehan Jeremias Almedia Fernandes nu’udar Porta-Voz.

Porta-voz ne’e deklara katak fundador Partidu KHUNTO so uniku maka Jose Naimori Bucar no laiha tan fundador seluk.

“Durante periodu rua hanesan deputada iha Parlamentu Nasional hosi lejislasaun da lima (V) no da nên (VI) nian ne’ebé eleitu husi partidu KHUNTO maibe ama Olinda Guterres ohin loron nega ami militantes hosi postu Cristo Rei nia votos no nega mos lider supremu partidu KHUNTO atual inisiador no fundador uniku ba Partido KHUNTO,” dehan Jeremias.

Problema entre Deputada Olinda Guterres ho Partidu KHUNTO mosu, hafoin Partidu ne’ebe nia reprezenta ba iha uma fukun Parlamentu Nasional troka nia pozisaun nu’udar xefi bankada sem konesementu hosi nia no laiha inkontru konkordansia ne’ebe halo entre nia ho deputadu/a nain 4 seluk.

Ho dezisaun troka nia, Deputada Olinda Guterres hasai deklarasaun makas kontra Jose Naimori Bukar nu’udar Konselleiru Maximu Partidu KHUNTO nian.

  • Share

Leave a Reply

Your email address will not be published. Required fields are marked *

error: Content is protected !!