Halo Relasaun Bilateral ho Mozambique, PR Ramos-Horta To’o ona Maputo

DILI, www.news-viptv.com – Prezidente Repúblika (PR), José Ramos-Horta ho delegasaun to’o ona Moçambique, iha Aeroportu Internasionál Maputo, iha 3 jullu tuku 8:30 dader, no simu direta husi Ministra Negosiu Estranjeiru Moçambique Verónica Macamo no Ministru Negosiu Estranjeiru no Kooperasaun Bendito Freitas, ho akompanamentu Embaxadór Moçambique ba Indonézia no Timor-Leste, Oldemiro Balói no Embaixadór Timor-Leste ba Moçambique Luis Miguel Sequeira.

Iha Maputo, xefi estadu sei hahu nia vizita estadu Sexta loron 4 to’o loron 6 fulan jullu.

Durante vizita iha Mozambique, xefe Estadu Ramos-Horta sei hala’o sorumutu Tête-à-Tête ho Prezidente Mozambique, Filipe Jacinto Nyusi.

Alende ne’e, PR Ramos-Horta e sei partisipa iha sorumutuk bilaterál sira, no asinatura akordu sira.

Alende hasoru Prezidenti Republika Mozambique, Xefi estadu hasoru Prezidente Asembleia Repúblika Mozambique nian, Esperança Bias, inklui fó palestra iha Universidade Eduardo Mondlane kona-ba “Timor-Leste, Rejiaun no Mundu,” no vizita Sentru Análize Estratéjika CPLP nian.