Halo Juramentu, Membru Governu hosi P-KHUNTO Konsentra ona iha Ramelau Hun

AINARO, news-viptv.com – Membru VIII Governu hosi Partidu Klibur Haburas Unidade Nasional Timor Oan (P-KHUNTO) konsentra ona iha Ramelau Hun hodi prepara an ba seremonia juramentu ba sira nia kargu tuir “dutrina” Konselleiru Jose Naimori Bucar.

Tuir planu, juramentu ba membru governu hosi P-KHUNTO ne’e sei halao iha Sabadu (14/8/2021).

Membru governu hosi P-KHUNTO sira ne’e maka  Vise Primeira Ministra, Armanda Berta dos Santos ne’ebe asumi mos kargu nu’udar Ministra Solidariedade Sosiál no Inkluzaun. Ministru Transportes no Komunikasoins, José Agustinho da Silva Ministru Agrikultura no Peskas, Pedro dos Reis, Vise-Ministru Negósius Estranjeirus no Kooperasaun, Julião da Silva, Vise-Ministru Justisa José Edmundo Caetano, Vise-Ministru Edukasaun, Juventude no Desportu António Guterres, Vise-Ministru Obras PúblikasNicolau Lino Freitas Belo, Vise-Ministru InteriórAntónio Armindo, Sekretáriu Estadu Formasaun Profisionál no EmpreguAlarico do Rosário, Sekretáriu Estadu Terras no PropriedadesMário Ximenes no Sekretáriu Estadu Protesaun SivílJoaquim José Gusmão dos Reis Martins.

Iha Eleisaun Antisipada 2018, P-KHUNTO hetan kadeira 5 iha Parlamentu Nasional.