Halakon FC. Bulgaria, FC. Agua Vermelha Terseiru Lugar COPA AFME 2021

GLENO, www.news-viptv.com – FC. Agua Vermelha terseiru lugar COPA AFME 2021 hafoin halakon FC. Bulgaria 3-2.

Agua Vermelha iha minutu 8, liu hosi Aderito Saldanha konsege sai hosi lasu offside defeza Bulgaria no ho kalma bola ne’ebe iha nia ain rezulta golu. Golu Aderito nian ne’e sai golu uniku durante minutu 45 dahuluk.

Maski nune’e, jogador Bulgaria tenta nafatin halo ataka ba area baliza Agua Vermelha ne’ebe guarda hosi Denizio Silva

Iha 45 minutu daruak, akontese golu hat. Ne’ebe golu hat ne’e rua hatama hosi Agua Vermelha no rua seluk hosi jogador Bulgaria.

Bulgaria ne’ebe iha iha parte dahuluk lakon golu ida, iha parte segundu konsege halo jogo sai empata 1-1, hafoin Boaventura Lima ho susesu ezekuta suta penalaidade ne’ebe nia halo iha minutu 61.

Agua Vermelha iha minutu 67 halo golu tan liu hosi Rosito Babo ne’ebe ho kalma bele uza opoprtunidade diak bola barullu iha area baliza adversariu.

Rosito Babo iha minutu 81 halo tan golu ida no lori nia ekipa lider jogu 3-1.

Golu Rostio Babo la halo vontade jogu jogador Bulgaria sira mihis, hafoin golu ne’e Bulgaria kontinua halo jogada no tenta nafatin ataka area defeza adversariu.

Iha minutu 89, liu hosi bola kantu ne’ebe lansa hosi Boaventura Lima, Abrao simu ho kabesa ida no rezulta golu.

Justino Mendonca / Contantino Babo, Gleno VIP TV