GX Foundation Interese Promove Saude Publika iha Timor-Leste

DILI, www.news-viptv.com – Fundasaun GX nuudar organizasaun naun govermentais ida ne’ebe baze iha Hongkong, Xina iha interese hodi promove saude publika iha Timor-Leste.

Assuntu ne’e hato’o husi Prezidenti Fundasaun GX, Leung Chun-Ying hafoin hasoru malu ho Prezidenti Republika Jose Ramos-Horta, Kuarta (30/4/2025), iha Palasiu Prezidensial Aitarak Laran, Dili.

Durante enkontru, Prezidente Ramos-Horta hato’o apresiasaun ba fundasaun nia projetu nasionál haat ne’ebe implementa hela iha Timor-Leste, inklui prevensaun moras dengue, fornesimentu bee-moos liuhosi nanoteknolojia avansadu, eliminasaun lalar uma-laran, no inisiativa edukasaun médiku iha parseria ho Universidade Katólika. Projetu sira ne’e hatudu ona rezultadu ne’ebé promete, hanesan redusaun signifikante ba kazu dengue no hadi’a asesu ba bee moos, ne’ebé mós ajuda hamenus lixu plástiku.