Governu Sei Haruka Mediku Fuan Nian ba Brunei Aprende Sai Espesialista Kardiolojista

DILI, www.news-viptv.com  – Governu sei haruka mediku fuan nian ba Brunei hodi aprende tan sai espesialista kardiolojista nian.

Primeiru Ministru Xanana Gusmão informa assuntu ne’e ba jornalista sira hafoin inkontru semanal ho Prezidenti Republika Jose Ramos Horta kinta liu bai ha palasiu prezidensial Dili.

“Koperasaun ho brunei, tratamentu koperasaun iha area saude, atu halo teste halo mediku nebe ita iha, se makai ha inklinasaun ba hanesan fuan, ita selu ba neba aprende, fulan 6 tinan 1, aprende halo operasaun nia hatene tuir sai espesialista ba fuan,” dehan PM Xanana.

Kona ba rekomendasaun xefi estadu ne’ebe husu ba governu bele hare mos Hospital ida iha Atambua, NTT-Indonesia ne’ebe bele simu mos pasiente husi Timor-Leste, Primeiru Ministru Xanana hateten nia sei haruka Ministra Saude Elia Amaral hodi hare assuntu ne’e.

Alende ne’e, xefi governu mos informa kona ba kooperasaun ne’ebe Timor-Leste sei halo mos ho Kambodia no Hunan-Xina kona ba oinsa hanorin tekniku kuda haree nian ba Timoroan sira.