Governu Inaugura Armazem Aeroportu Baucau

BAUCAU, www.news-viptv.com –  Governu Timor-Leste reprezenta hosi Ministru Defeza Filomeno da Paixão de Jesus no Ministru Transporte no Komunikasaun, José Agustinho da Silva, ho Enkaregadu  Negósiu Embaixada EUA nian Tom Daley inaugura armazén ho medida 477 metru kuadradu iha Aeroportu Baukau, Kinta (7/4/2022).

Reprezenta Governu Estadu Unidos Amerikanu, Engkaragadu Negosiu Embaixada Estadu Unidos iha Timor-Leste, Tom Daley hateten Reabilitasaun konjunta ba Aeroportu Baukau ne ‘e nu’ udar ezemplu diak liu kona-ba oinsá bele lori oportunidade sira ne ‘ebé loloos no importante atu apoia Timor-Leste no povu Timor-Leste.

Ministru Defeza, Filomeno Paixao de Jesus hateten, ho reabilitasaun aeroportu Baucau nudar fundasaun ida ba estabelesementu forsa aero ne’ebe governu planea ona.

Nune’e mos Xefi Estadu Maior Jeneral Forsa Armadas, Tanente Jeneral Falur Rate Laek fiar katak orgaun soberanu sir abele kumpri ona sira nia komprimisiu ba planu defeza nian iha dezemvolvimentu komponente aero.

Husi kedas loron 15 fulan Janeiru, enjeñeiru sira husi Forsa Aérea EUA, membru Forsa Naval Seabees nain 10 no Fuzileiru F-FDTL hamutuk 29, servisu hamutuk hodi harii lutu ho naruk  kilómetru 6.7 hodi asegura kampu aéreo no armajen ida hodi rai ekipamentu ba Komponente Aéreu foun F-FDTL nian ne’ebé oferese husi Estadus Unidus.

Iha semana hirak mai ne ‘e, EUA sei fornese ekipamentu no veíkulu sira ba Timor-Leste hodi apoia operasaun sira Komponente Aéreu nian, inklui kamioneta bombeiru nian ida, kareta hamos pista, kareta Ford 350s (2), forklift (1) no kamioneta combustível (2).

Estadus Unidus mos sei fornese aviaun vijilánsia Cessna 206 ne’ ebé tuir previzaun sei to ‘o iha tinan ida ne’ e nia laran.

Hanesan parte husi reabilitasaun ne ‘ebé daudaun ne’ e halo hela, Estadus Unidus no Timor-Leste sei servisu hamutuk hodi fornese melloramentu adisionál sira ba kampu aéreo, inklui hadi ‘a torre kontrolu tránzitu aéreu nian, konstrusaun ba fatin sira hanesan estasionamentu Cessna nian no armazén adisionál ida hodi rai materiál asisténsia umanitária, no instalasaun ba postu observasaun klimátika sira.

Total orsamentu ne’ebe governu Estadu Unidos apoia ba rehabilitasaun aeroportu Baucau nian hamutuk miliaun US$ 10.6.

Iha fulan-juñu tinan 2021, Estadus Unidus hetan entendimentu ida ho Governu Timor-Leste hodi lansa reabilitasaun konjunta ba Aeroportu Baucau.

Estadus Unidus no Timor-Leste estabelese ona relasaun diplomatika iha tinan 20 liu ba, Estadus Unidus – Timor-Leste nia parseria seguransa oferese ona oportunidade ba ezersisiu military, programa interkámbiu ba dezenvolvimentu profesional membru militar Timoroan sira, no asistensia umanitaria no kooperasaun sokorru ba dezastre.

Desde tinan 2009, Forsa Naval EUA Seabees harii ona projetu liu 100 ho valor liu millaun $50 hodi apoia setor saúde no edukasaun ba povu Timor-Leste.

Reporter: Sandra Martins I Camerawomen: Angelina Soares