Governo Kontinua Suspende Atividade GAM ba Fulan 6

DILI, www.news-viptv.com – Governo kontinua suspende atividade arte marsiais ba fulan neen tan to’o Novembru tinan ne’e.

Primeiru Ministru Xanana Gusmão informa assuntu ne’e ba jornalista sira hafoin inkontru regular ho Prezidenti Republika Jose Ramos Horta katak, Governu kontinua suspende relasiona ho indisiplinar membru arte marsiais sira ne’ebe kontinua halo violensia hodi hamosu situasaun la hakmatek iha publiku.

Xefi Governo ne’e hateten, wainhira membru arte marsiais sira obedese no kumpri ba suspensaun ne’e no to’o novembru laiha problema, governo sei halo kompetisaun entre arte marsiais sira hodi hatudu prestasaun, hanesan Taekwondo no Karate sira ne’ebe ba rai liur fila sempre ho prestasaun.