FSKTL Realiza Gashuku Nasional ba Membru Shorinji Kempo

DILI, www.news-viptv.com – Federasaun Shorinji Kempo Timor-Leste Realiza Gashuku nasional ba nia membru sira, Sabadu (8/2/2025), iha Salaun Infordepe Balide Dili.

Atividade ne’e hetan prezensa husi Ministru Juventude, Desportu, Arte no Kultura, Nelyo Isaac Sarmento, no Sekretariu Jeral Shorinji Kempo Mundial, Arai Shoji ho Embaixador Japaun iha Timor-Leste, Tetsuya Kimura.

Fransisco Amaral Da Silva, nu’udar vis eprezidenti shorinji kempo Timor-Leste hateten, objetivu atividade ne’ebe sira halo maka hodi uniformiza teknika shorinji kempo ho kualidade.

Ministru Nelyo Isaac iha atividade ne’e louva ba servisu federasaun shorinji kempo Timor-Leste ne’ebe konsistente iha organizasoes atu Profisionalismu organizasasoes iha kursu hotu-hotu ne’ebe iha kempo nia fatin.

Membru Governu ne’e mos husu ba federasaun shorinji kempo atu bele realiza mos kampionatu internasional ida iha Timor-Leste ho partisipasaun nasaun rai liur.

Embaixador Japaun, Tetsuya Kimura iha nia deskursu hateten ho prezensa sekretariu jeral shorinji kempo mundial nian ne’e husu ba membru sira atu uza oportunidade diak ne’e hodi kontinua aprende ba teknika sira ne’ebe fahe husi nia organizasaun mundial.

Sekretariu Jeral Shorinji Kempo Mundial (WSKO), Arai Shoji hateten nu’udar organizasaun mundial, sira hakarak hametin kooperasaun ho Timor-Leste hodi dezemvolve shorinji kempo no pronto fo apoia.