Fernanda Lay: Timor-Leste Laos Pais ho Korrupsaun A’at Liu

DILI, www.news-viptv.com – Prezidenti Parlamentu Nasional, Fernanda Lay hateten iha indikadores avaliasaun anti korrupsaun ba pais korruptor sira Timor-Leste la aat liu iha korrupsaun.

Prezidenti Parlamen Nasional ne’e hateten ba jornalista sira hafoin hasoru malu ho Prezidenti Republika, Jose Ramos Horta iha Palasiu Prezidensial, Kuarta (17/4/2024), dadersan ohin.

Tamba ne’e nia esplika, iha hasoru malu ho xefi estadu, informa mos kona Lei KAK ne’ebe governu hato’o on aba parlamentu nasional hodi halo altera artigu rua balun, liliu ba prosesu atu hili komisariu KAK ne’ebe to’o ohin loron sedauk realiza, tamba deit atu hili komisariu KAK tenki priense qorum 2/3 prezensa membru deputadu sira.

Prezidenti Parlamentu Nasional husu ba membru deputadu sira atu tau duni interese estadu nian, inklui ba hili komisariu KAK ne’ebe nia garante katak nomeasaun kandidatu komisariu KAK sei halo servisu independente no laiha intervensaun hosi orgaun seluk.

Alende koalia kona ba Lei KAK, prezidenti Parlamentu Nasional ne’e mos koalia kona ba rekrutamentu juiz ne’ebe iha mos ligadu ba servisu entre orgaun soberanu estadu nian.