banner 1000x250

Fan Rezidensia Fulolo, METO Konsidera iha Indikasaun Korupsaun no Husu Governu Foti Medida

  • Share
Movimentu Estudante Tane Oe-Kusse (METO) wainhira hasai deklarasaun kontra dezisaun Prezidenti Autoridade RAEOA, Arsenio Bano ne'ebe fan rai no residensia estadu iha Fulolo, Oekuse. Foto: VIPTV/Nuryanti Fatima
banner 728x90

DILI, www.news-viptv.com – Movimentu Estudante Tane Oe-Cusse (METO) lamenta dezisaun Prezidenti Autoridade Rejiaun Administrativa Espesial Oe-Cusse Ambeno (RAEOA), Arsenio Bano ne’ebe fan rai no residensia Fulolo ba Mari Alkatiri no husu ba governu atu foti medida ba hahalok refere tamba iha indikasaun korrupsaun.

“Movimentu Estudante Tane Oe-Cusse (METO), lori Estudante Oe-Cusse oan hotu no komunidade hotu husi RAEOA sira nia lian hato’o ba publiku, liu-liu ba IX Governu Konstitusional atu toma atensaun hodi foti medida no imediata ba desizaun prezidente autoridade RAEOA nian ne’ebe uza nia kompetensia hodi fa’an tiha rai no residensia estadu Fulolo Oe-Cusse eis-Prezidente Autoridade RAEOA Dr.Mari Bin Amude AlKatiri,” deklara Porta Voz METO, Abilio da Cruz Queli ba Jornalista sira iha Konferensia Imprensa ne’ebe hala’o iha Jardin 5 de Maio, Kolmera, Kuarta, (23/08/2023).

banner 1000x250

Antes kriasaun RAEOA no estabelese Zona Ekonomia Espesial Sosial Merkadu (ZEESM) iha Oe-Cusse, Rai Fulolo hanesan rai potensial ba komunidade 76 utiliza rai refere hodi halo to’os no kuda produtu ne’ebe komunidade sira presiza hodi sustenta sira nia nesesidade no kontribui mos ba kresimentu soberania ai-han no eradikasaun hamlaha.

Tinan 2015, iha lideransa eis Prezidenti Autoridade RAEOA, Mari Alkatiri hasai komunidade  nain 76 hodi hatama rai refere ba uzu publiku sein indemnizasaun no ho fuan bo’ot komunidade nain 76 kolabora  ho autoridade RAEOA hodi oferese rai ne’e ba estadu atu halo konstrusaun ba Uma 7 hitu ba Sekretariu Rejional nain 7 hodi bele atu hala’o servisu ba interese komun.

Konstrusaun uma estadu iha Fulolo ne’e mos utiliza orsamentu estadu ho montante US$ 1,687,037.

METO mos konsidera iha deliberasaun 16 Outubru 2017 konaba kompra e venda hodi fa’an residensia ne’ebe Eis-Prezidente Autoridade RAEOA, Mari Alkatiri halo konsidera halo ho intensaun atu benefisiu ba a’an la’os ba interese publiku.

“Tanba nia (Alkatiri) rasik mak kria, ikus nia rasik mak sosa hodi privatiza tia rai no uma estadu ba nia a’an no hare ba deliberasaun ida ne’e parte ida labele lo’os no bele sala,” dehan Abilio.

METO mos konsidera, deklarasaun husi Prezidente Autoridade RAEOA, Arsenio Paixao Bano katak, fa’an rai no residensia Fulolo hodi hatama osan ba estadu no bele halo foun ne’e tuir baze legal katak lalos no deskonfia iha indisiu korrupsaun.

Hare ba prezidente Autoridade RAEOA nia deklarasaun mos la razoavel atu konvese publiku, tanba alokasaun Orsamentu Jeral do Estadu (OJE) kada tinan, komesa husi 2015 mai to’o 2023 ne’e alokasaun OJE husi 2015 mai to’o 2021 nian ho montante ne’ebe bo’ot tebes no alokasaun OJE iha tinan 2022 nian ho montante $ 84 Miliaun, maibe ninia ezekusaun foin mak atinji deit 19% no mai fali iha alokasaun OJE 2023 nian no Governu sentral aloka tan Orsamentu ho montante $ 120 Miliaun hosi alokasaun OJE 2022 ba RAEOA.

“Ita hare ezukusaun minimu tebes, maibe Prezidente Autoridade RAEOA hakarak fa’an tan rai no rezidensia estadu iha Fulolo Oe-Cusse hodi hatama ba kofre estadu no Ida ne’e ita hare katak prezidente Autoridade manifesta nia inkapasidade no laiha seriedade servisu derante nia mandatu, signifika katak prezidente autoridade inkapasidade ba ezukusaun Orsamentu tanba la iha alternativu seluk no nia alternativu ikus maka uza Autoridade hodi fa’an rai no rezidensia estadu ne’ebe Mak konstrui uza osan povo nian,” dehan Abilio.

Ho problema ne’e, METO mos husu ba Komisaun C Parlamentu Nasional hodi halo inkeritu ba Arsenio Bano ka assuntu refere.

  • Share

Leave a Reply

Your email address will not be published. Required fields are marked *

error: Content is protected !!