EUA-TL Sei Servisu Hamutuk ho nasaun parseiru Sira iha Aréa koperasaun seguransa no Maritima

Dili, www.news-viptv.com – Enkaregadu Negósiu Estranjeiru Embaixada EUA mai Timor-Leste, Bruce Begnell informa EUA ho Timor-Leste sei servisu hamutuk ho nasaun parseiru sira iha area koperasaun seguransa no Maritima.

Lia hirak ne’e hato husi Enkaregadu Negósiu Estranjeiru EUA mai TL, hafoin remata enkontru ho Prezidente Repúblika (PR), Jose Ramos-Horta, Tersa (19/8/2025), iha Palasiu Presidensial Nicolao Lobato.

“Ohin hala’o enkontru diak tebes ho Prezidente ami koalia kona-ba koperasaun seguransa nomos programa seluk no diskusaun lao diak tebes,” dehan Begnell.

Koperasaun maritima ne’e laos deit ejersisiu konjuntu entre estadu Unidus Amerika ho Timor-Leste maibe ejersisiu ho nasaun parseiru ho sira sel-seluk hanesan, Australia iha ambitu koperasaun.

“Entaun ba oin ami hakarak servisu hamutuk mos ho nasaun parseiru sira ne’ebe servisu iha area koperasaun seguransa no maritima,” nia dehan.

Nia mos hatete, EUA hakarak reforsa liu tan koperasaun bilateral ne’ebe iha ho Timor-Leste.