EUA Komitmentu Apoia TL ba assuntu Mudansa Klimatika

DILI, www.news-viptv – Estadu Unidos Amerika (EUA) komitmentu nafatin apoia Timor-Leste iha setor oi-oin inklui ba mudansa klimatika nian.

Liu hosi vizita Xefe Ofisial Klimátika Ajénsia Estadus Unidus nian ba Dezenvolvimentu Internasionál (USAID) Gillian Caldwell deklara katak USAID kontinua nia komitmentu hodi apoia Timor-Leste, inklui iha implementasaun Estratéjia ambisiozu ba Klimátika Ajénsia ne’e nian.

Iha konferensia imprensa, durante nia vizita, Gladwell hatoo hikas kompromisu governu EUA nian atu responde ba krize global ne’ebé akontense tanba mudansa klimátika no servisu hamutuk ho nasaun sira hanesan Timor-Leste atu hasoru ameasa bo’ot ne’e.

Durante vizita semana ida nia laran iha Timor-Leste, Gladwell halo mos inkontru ofisiál lubuk ida ho reprezentante sira husi setór privadu no sidadaun Timoroan sira hodi halo diskusaun konaba impaktu husi alterasaun klimátika iha nasaun ne’e. Sira koalia konaba papel rejional importante ne ‘ebé Governu Timor-Leste dezempeña hodi responde ba mudansa klimatika no USAID nia apoiu ba sira nia esforsu.

Iha 31 Janeiru 2023, Caldwell partisipa hamutuk ho Prezidente José Ramos-Horta no reprezentante sira husi Ministériu Agrikultura no Peskas, USAID no Organizasaun Nasoins Unidas nian ba Agrikultura no Alimentasaun (FAO) lansa

inisiativa foun ida ne’ebé ho objetivu atu hadi’a seguransa alimentár, nutrisaun, no reziliénsia ba krize sira iha Timor-Leste.

Projetu ho valór millaun dolares 4 ne’ebé finansia husi USAID ne’e, sei hasa’e efisiénsia, produsaun no prosesamentu ai-han bazeia ba klima, hadi’a agrikultór sira-nia asesu ba merkadu, no hasa’e disponibilidade ai-han nutritivu.