Ema Nain 149 Mate iha Selebrasaun Halloween Itaewon

DILI, www.news-viptv.com – Ema nain 149 mate iha trajedia selebrasaun festa Halloween iha Itaewon, Korea do Sul, Sabadu (29/10/2022).

Trajedia hahu wainhira sidadaun sira selebra festa refere ho empurandu (berdesak-desakan) wainhira konsentra iha area Itaewon ho uza traje halloween.

Tempu ne´eba, sira antuazismu tamba ne´e selebrasaun dahuluk Halloween hafoin covid-19 durante tinan tolu.

To´o kalan bo´ot, sidadaun sira aumenta bebeik, to´o tuku 22.20 oras lokal nian, kondisaun aumenta grave iha dalan kloot ida saé nian. Hosi ne´e, ema balun ne´ebe to´o ona dalan leten monu ba massa iha kraik. Iha tempu paniku, ema sira hahu sama malu.

Tamba kondisaun ne´ebe ema nakonu, maski ho situasuan defisil, polisia sira dada duni ema balun hodi sai hosi ema barak ne´e.

Maibe, ema barak maka latan ona iha dalan no hasoru problema cardiaca. Visitor no polisia imideatamente halo kedan primeiru sokoros, halo teknika RCP iha situasaun paniku ema barak nian.

Sita hosi Reuters, offisial Bombeiros Koreia do Sul, Choi Seong Beom hateten, nia ekipa hatun ambulansia hamutuk 140 hodi lori vitima ba ospital.

Presidenti Korea do Sul, Yoon Suk Yeol, fo ordem kedan ekipa mediku emerjensia nian hodi tun ba fatin akontesementu.

Nia mos konfirma kama toba iha ospital tenki prepara kedan ba vitima trajedia refere hodi minimaliza potensia mortalidade.

Entertantu, administrador Seoul, Oh Se Hoon, fila kedan hosi nia vizita ba Eropeia hafoin simu informasaun ba trajedia ne´e.