ERMERA, www.news-viptv.com – Nascimento dos Santos hafoin eleita ba xefi Aldeia Leirema, Suku Ailelo, Postu Administrativu Hatolia, Munisipiu Ermera, promote sei dezemvolve nia aldeia.
“Hau sei dezemvolve aldeia ne’e, iha dezemvolve aldeia ne’e hau sei la foti dezisaun mesak, hau sei hamutuk ho komunidade,” dehan Nascimento ba VIP TV, foin lais ne’e iha Leirema.
Nia mos promesa sei tau matan nafatin ba grupu terseira idade no sei hases familiarismu iha prosesu dezemvolvimentu aldeia, inklui tau matan ba jovem sira.
Entretantu representante Joventude Aldeia Leirema Natalia de kastro pronto atu servisu ho xefi aldeia foun hodi tau matan ba sira nia aldeia.
Iha eleisaun suku 28 Outubru 2023, Nasimento dos Santos eleita hafoin iha segunda ronde hafoin manan ho votos 76 hosi nia competitor Agustino Martins ne’ebe hetan deit votos 73.
Antes ba segunda ronde, Nasimento hetan deit votos 68 ou iha pozisaun daruak, ne’ebe iha pozisaun dahuluk okupa hosi Agustino Martins ho votos 73, no Lorenso Soares iha pozisaun datoluk ho votos 36.