Eleitu ba Prezidenti Indonezia, Ramos-Horta Fo Parabens ba Prabowo

DILI, www.news-viptv.com – Maski sedauk iha anunsia offisial ba rezultadu final eleisaun prezidensial Indonezia nian, Prezidenti Republika, Jose Ramos-Horta telefoni ona Prabowo Subianto ne’ebe eleita ona hamutuk ho nia vise prezidenti, Gibran Rakabuming, oan mane hosi Prezidenti Joko Widodo.

Prezidenti Prabowo, esplika xefi estadu, ema ne’ebe konese diak tebes Timor-Leste no ho nia lideransa, Ramos-Horta fiar katak Prezidenti Prabowo sei kontinua relasaun bilateral ne’ebe Indonezia halo ona ho Timor-Leste.

Povu Indonesia iha 14 Fevereiru 2024 realiza eleisaun prezidensial hodi hili sira nia prezidenti foun hodi troka Prezidenti Jokowi ne’ebe ukun ona dekada ida.