Eklipse Solar, Governu Tenki iha Ona Ekipamentu Observasaun

COM, www.news-viptv.com – Kuaze ema besik rihun ida iha Tasi Ibun Com, Munisipiu Lautem asiste fenomena natureza eklipse solar total ne´ebe akontese Kinta (20/4/2023) durante minutu 1 no 13 segundu.

Laos komunidade lokal deit mak asiste deretamente fenomena ne´e, maibe komunidade hosi Kapital Dili no rai liur, inklui astronomu hosi nasaun oi-oin mos dokumenta no halo observasaun ba fenomena natureza nian ne´e.

Xefi Departementu Metrolojia Timor-Leste, Flaviana Pinto Pinto hateten, ho fenomena eklipse solar ne´e ba oin governu mos persiza rekursu umanu ba astronomu nian.

Ho eklipse solar ne´ebe akontese ne´e, Autoridade Protesaun Sivil konsidera ne´e hanesan lisaun foun ida ne´ebe ba oin sei halo preparasaun diak liu tan hodi organiza hamutuk ho lina ministerais sira.

Eklipse Solar Total iha Timor-Leste ne´ebe akontese deit iha Com Lautem, Beasu-Viqueque, no Laga ho Quelicai-Baucau.