EDTL Garante 2024 Teritoriu TL Asesu Eletrisidade 100%

DILI, www.news-viptv.com – Eletricidade de Timor-Leste, Empresa Pública, (EDTL, E.P) garantia katak iha tinan 2024 teritoriu Timor-Leste tomak bele ona asesu eletrisidade 100%. 

“Programa elektrifikasaun nasional too agora ita atinji ona 98% atu ba 99% ita sei hela iha suku neen iha suku ida mak konskursu lao hela no suku lima iha prosesu konstrusaun nia laran tamba ne’e ita nia espetativa fulan hirak mai oin sira konklui entaun ita hela deit suku ida iha bétulau lekidoe,” dehan Prezidente Komisaun Ezekutiva EDTL, E.P, Paulo da Silva ba jornalista sira Kinta (29/02/24) iha Timor Plaza, Dili.

Ba Aldeia lubun ida sei halo levatamantu besik 80 e tal aldeia husi ne’e balun EDTL responde ho energia rural liuliu ba sira ne’ebe dook husi liña ou estrada espesifikamenten oferese solar panel nune’e sira bele asesu.

“Iha semana ida ne’e ba oin ita lansa konkursu ba iha Aldeia sira ne’ebe seiduak asesu no mos rehabilitasaun sira,” dehan Paulo.

Tuir Dadus EDTL Iha Novembru 2023 komunidade asesu Eletrisidade mak hanesan tuir mai ne’e :
Munisípiu Ainaru postu 4 total suku 21 asesu Eletrisidade Suku 20 ho porsentu 95%
Munisípiu Aileu postu 4 Total suku 33 asesu ona Eletrisidade Suku 32 ho pursentu 97%
Munisípiu Baucau postu 6 total suku 59 asesu eletrisidade ho pursentu 100%
Munisipiu Bobonaru postu total suku 50 asesu Eletrisidade suku 48 ho pursentu 96%
Munisípiu Covalima postu 7 total suku 30 assesu Eletrisidade 29 ho pursentu 97%
Munisípiu Dili postu 6 total suku 36 asesu Eletrisidade 35 ho pursentu 97%
Munisípiu Ermera postu 5 total suku 52 asesu eletrisidade 48 ho pursentu 92%,
Munisípiu Liquisa postu 3 total suku 23 asesu Eletrisidade 22 ho pursentu 96%
Munisípiu Lautem postu 5 total suku 34 asesu eletrisidade ho pursentu 100%
Munisípiu Manufahi postu 4 total suku 29 asesu Eletrisidade suku 27 ho pursentu 93%
Munisípiu Manatutu postu 5 total suku 31 asesu Eletrisidade suku 30 ho pursentu 97%
Munisípiu Viqueque postu 5 total suku 36 asesu Eletrisidade 100%.
RAEOA  asesu Eletrisidade 100%

Rasio eletrifikasaun a nivel suku tinan 2023 atinje ona 98% asesu eletrisidade, suku seluk ne’ebé seidauk asesu eletrisidade, dadaun ne’e iha progresu implementasaun mak hanesan suku Makadade, Fahilebu, Urahou, Manusahe inklui Goulolo. Suku Betalau-Lequidoe dadaun ne’e, iha ona prosesu tenderizasaun.Tuir estimasaun iha tinan 2024 EDTL, E.P konklui ona taxa asesu enerjia elétrika 100%.

EDTL Instala 108.000 Kontador Prepago, 2023 Rekolla Milaun US$ 54.05 

Eletricidade de Timor-Leste, Empresa Pública, (EDTL, E.P) konsege instala ona kontador prepagu iha territoriu nasional hamutuk 108.000 kontadores no husi númeru ne’e iha 2023 EDTL hetan rendementu milaun US$ 54.05.

“Iha tinan 2023 konsege rekolla US$ 54.05 milaun husi faan pulsa, aluga no multa sura hamutuk deit,” Prezidente Komisaun Ezekutiva EDTL, E.P, Paulo da Silva ba jornalista sira Kinta (29/02/24) iha Timor Plaza, Dili.

Nia mos esplika, iha instalasaun dahuluk kada suku sira ne’ebe mak EDTL foin instala ne’e fo gratuitu fulan neen depois de ida ne’e sei instala kontadores prepagu nian.

Ba fatin ne’ebe sedauk installa, EDTL identifika ona no hahu fulan oin sei installa hotu.

“Tamba ne’e foin dadaun ita halo hela akizasaun hatama mos kontadores lubun ida hodi registu iha sistema depois iha tempu besik sei halo distribuísaun ba Munisipiu para ita bele hahu instala inklui komunidade sira ne’ebe ita foin konklui eletrifikasaun EDTL hakotu,” nia dehan.