Disputa Rai Naktuka, PM Xanana: Sei Hein Prezidenti Prabowo Nia Tempu

DILI, www.news-viptv.com – Timor-Leste iha disputa rai fronteira ho Indonesia sei hein nafatin Presidenti Indonesia, Prabowo Subianto nia tempu hodi bele rezolve rai Naktuka.

Iha segunda, partidu opozisaun FRETILIN iha nia deklarasaun politika lamenta ho Nono Governu Konstitusional ne’ebe sedauk bele rezolve ba rai naktuka ne’ebe sai problema ba povu nasaun rua iha area fronteira.

Deklarasaun politika Bankada FRETILIN ne’e hatan kedan husi deputadu bankada CNRT ne’ebe husu FRETILIN atu labele duvidas ho lideransa PM Xanana ne’ebe uluk mos konsege lori Timor-Leste manan fronteira maritima ho Australia.

Governu liu husi Vise Ministru assuntu Parlamentar Aderito Hugo, reprezenta Governu fo mos resposta klean ba prosesu negosiasaun Rai Naktuka nian, maski hetan atakasaun emosional husi deputadu FRETILIN sira.

Rai Naktuka lokaliza iha Rejiaun espesial Administrasaun Oekusi Ambeno, iha area noel-besi ho citrana, Kupang-NTT. To’o ohin loron kontinua sai rai disputa ne’ebe sedauk hetan aseitasaun entre Timor-Leste no Indonesia.